ଲୋକସଭା ସାଂସଦ ପଦରୁ ଅଖିଳେଶ ଯାଦବଙ୍କ ଇସ୍ତଫା
ମଙ୍ଗଳବାର ଲୋକସଭା ସାଂସଦ ପଦରୁ ଅଖିଳେଶ ଯାଦବ ଇସ୍ତଫା ଦେଇଛନ୍ତି। ସମାଜବାଦୀ ପାର୍ଟି (ଏସପି) ମୁଖ୍ୟ ଅଖିଳେଶ ଯାଦବ ଲୋକସଭା ବାଚସ୍ପତି ଓମ ର୍ବିଲାଙ୍କୁ ଗୃହରେ ନିଜର ଇସ୍ତଫା ପତ୍ର ପ୍ରଦାନ କରିଛନ୍ତି।
ଉଲ୍ଲେଖଯୋଗ୍ୟ, ନିକଟରେ ହୋଇଥିବା ବିଧାନସଭା ନିର୍ବାଚନରେ ଅଖିଳେଶ ଯାଦବ କରହଲ ବିଧାନସଭା ଆସନରୁ ଜିତିଥିଲେ। ଉତ୍ତରପ୍ରଦେଶ ବିଧାନସଭା ନିର୍ବାଚନରେ ସମାଜବାଦୀ ପାର୍ଟି ପ୍ରାର୍ଥୀ ରୂପେ କରହଲ ବିଧାନସଭା ଆସନରୁ ପ୍ରତିଦ୍ୱନ୍ଦ୍ୱିତା କରିବା ପୂର୍ବରୁ ଅଖିଲେଶ ଯାଦବ ଆଜମଗଡ ଲୋକସଭା କ୍ଷେତ୍ରର ସାଂସଦ ରୂପେ ନିର୍ବାଚିତ ହୋଇ ସଂସଦରେ ସାଂସଦ ଥିଲେ। ବର୍ତ୍ତମାନ ଲୋକସଭାରୁ ଇସ୍ତଫା ଦେବା ପରେ ଏହା ସ୍ପଷ୍ଟ ହୋଇଛି ଯେ ସେ କରହଲ ବିଧାନସଭାରୁ ବିଧାୟକ ରହିବେ।
ସେପଟେ ଆଜମ ଖାନ୍ ମଧ୍ୟ ଲୋକସଭା ସଦସ୍ୟତାରୁ ଇସ୍ତଫା ଦେଇଛନ୍ତି। ସେ ରାମପୁର ବିଧାନସଭା ସିଟ୍ରୁ ବିଧାୟକ ଚୟନ ହୋଇଛନ୍ତି।
Powered by Froala Editor
