ହସ୍ପିଟାଲରେ ବଲିଉଡ୍ ଅଭିନେତା ଦିଲ୍ଲୀପ କୁମାର
ମୁମ୍ବାଇ: ବଲିଉଡ୍ ଅଭିନେତା ଦିଲ୍ଲୀପ କୁମାରଙ୍କୁ ହସ୍ପିଟାଲରେ ଭର୍ତ୍ତି କରାଯାଇଛି । ମୁମ୍ବାଇସ୍ଥିତ ହିନ୍ଦୁଜା ହସ୍ପିଟାଲରେ ତାଙ୍କର ଚିକିତ୍ସା ଚାଲିଛି । ତେବେ ଏଥିପାଇଁ କିଛି ବ୍ୟସ୍ତ ହେବାର ନାହିଁ । ରୁଟିନ୍ ଚେକଅପ୍ ପାଇଁ ତାଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଥିବା କହିଛନ୍ତି ପତ୍ନୀ ସାୟରା ବାନୁ ।
ଗଣମାଧ୍ୟମକୁ ସୂଚନା ଦେଇ ସାୟରା କହିଛନ୍ତି, ଏବେ ତାଙ୍କ ସ୍ୱାସ୍ଥ୍ୟାବସ୍ଥା ଭଲ ଅଛି । ଭଗବାନ କରନ୍ତୁ ତାଙ୍କର ସ୍ୱାସ୍ଥ୍ୟାବସ୍ଥାରେ ତୁରନ୍ତ ସୁଧାର ଆସୁ । ସେ ସୁସ୍ଥ ହେବା ପରେ ତୁରନ୍ତ ଆମେ ଘରକୁ ଫେରିଯିବୁ । ବର୍ତ୍ତମାନ ଦିଲ୍ଲୀପ କୁମାରଙ୍କ ନନ୍ କୋଭିଡ୍ ହସ୍ପିଟାଲରେ ଚିକିତ୍ସା କରାଯାଉଛି । ତେବେ ଯେଉଁଭଳି ମହାମାରୀ ବ୍ୟାପୁଛି ସେ ପରିସ୍ଥିତିରେ ଏଠାରେ ରହିବା ବିପଦଜନକ । ଯଦି ଦିଲ୍ଲୀପଙ୍କ ସ୍ୱାସ୍ଥ୍ୟବସ୍ଥାରେ ଉନ୍ନତି ଆସେ ତେବେ ଡାକ୍ତରଙ୍କ ପରାମର୍ଶ ନେଇ ଏଠାରୁ ଯଥାଶୀଘ୍ର ପଳାଇବୁ ।
Powered by Froala Editor
