ତୃଣମୂଳ କଂଗ୍ରେସ ସୁପ୍ରିମୋ ତଥା ମୁଖ୍ୟମନ୍ତ୍ରୀ ମମତା ବାନାର୍ଜୀ ବଡ଼ ଘୋଷଣା କରିଛନ୍ତି । ମମତା ଟ୍ୱିଟ୍ କରି ଆସନସୋଲରେ ହେବାକୁ ଥିବା ଲୋକସଭା ଉପନିର୍ବାଚନ ପାଇଁ ପୂର୍ବତନ କେନ୍ଦ୍ରମନ୍ତ୍ରୀ ଶତ୍ରୁଘ୍ନ ସିହ୍ନାଙ୍କ ନାଁ ଟିଏମସି ପ୍ରାର୍ଥୀ ଭାବେ ଘୋଷଣା କରିଛନ୍ତି । ସେହିପରି ବାବୁଲ ସୁପ୍ରିୟୋ ବାଲିଙ୍ଗଜ ଆସନରୁ ବିଧାନସଭା ଉପନିର୍ବାଚନ ଲଢ଼ିବେ।

ସୂଚନା ମୁତାବକ, ପଶ୍ଚିମବଙ୍ଗର ଗୋଟିଏ ଲୋକସଭା ଓ ୪ଟି ବିଧାନସଭା ଆସନରେ ଆସନ୍ତା ଏପ୍ରିଲ ୧୨ ତାରିଖରେ ଉପନିର୍ବାଚନ ହେବ। ଏଥିରେ ପଶ୍ଚିମବଙ୍ଗର ଆସନସୋଲ ଲୋକସଭା ଆସନ ମଧ୍ୟ ସାମିଲ ଅଛି, ଯାହା ବାବୁଲ ସୁପ୍ରିୟୋଙ୍କ ଲାଗି ଖାଲି ପଡିଥିଲା। ଗତବର୍ଷ ବାବୁଲ ସୁପ୍ରିୟୋ ନିଜ ଲୋକସଭା କ୍ଷେତ୍ର ଆସନସୋଲ୍‌ରେ ଇସ୍ତଫା ଦେଇଥିଲେ। ଏହାପରେ ସେ ବିଜେପି ଛାଡି ଟିଏମ୍‌ସିରେ ମିଶିଥିଲେ।

ମମତା ବାନାର୍ଜୀ ଦୁଇ ନେତାଙ୍କ ନାଁ ଘୋଷଣା କରି ଟ୍ୱିଟ କରିଛନ୍ତି, ତୃଣମୂଳ କଂଗ୍ରେସ ତରଫରୁ ପୂର୍ବତନ କେନ୍ଦ୍ରମନ୍ତ୍ରୀ ଶତ୍ରୁଘ୍ନ ସିହ୍ନା ଆସନସୋଲ ଲୋକସଭା ଉପନିର୍ବାଚନ ଏବଂ ବାବୁଲ ସୁପ୍ରିୟୋ ବାଲିଗଞ୍ଜ ବିଧାନସଭା ପାଇଁ ଦଳର ପ୍ରାର୍ଥୀ ହେବେ ।

ବର୍ତ୍ତମାନ କୁହାଯାଉଛି ଯେ, ମମତା ବାନାର୍ଜୀ ବିଧାନସଭାରେ ବାବୁଲ ସୁପ୍ରିୟୋଙ୍କୁ ଏକ ବଡ଼ ଦାୟିତ୍ୱ ଦେଇପାରନ୍ତି। ଗୋଆ ବିଧାନସଭା ନିର୍ବାଚନ ଏବଂ ତ୍ରିପୁରାରେ ବାବୁଲ ସୁପ୍ରିୟୋଙ୍କୁ ଦଳ ଗୁରୁତ୍ୱପୂର୍ଣ୍ଣ ଦାୟିତ୍ୱ ଦେଇଥିଲା।

Powered by Froala Editor