ଇରାକରେ ଥିବା ଆମେରିକା ଦୂତବାସ ଉପରେ ୬ଟି ମିସାଇଲ୍‌ ଆକ୍ରମଣ କରାଯାଇଛି । ଦୂତବାସ ଉପରେ ଘନଘନ ମିସାଇଲ୍‌ ମାଡ଼ ଫଳରେ ଦୂତବାସ ପରିସରରେ ଭୟଙ୍କର ନିଆଁ ଲାଗିଛି । ଇରାକୀ ସୁରକ୍ଷା ବଳ ଅଧିକାରୀ ଏନେଇ କହିଛନ୍ତି ଯେ ଶନିବାର ବିଳମ୍ୱିତ ରାତିରେ ହୋଇଥିବା ଆକ୍ରମଣରେ କେହି ଆହତ ହୋଇଥିବା ଖବର ଆସିନାହିଁ ଏବଂ ସହର କ୍ଷତିଗ୍ରସ୍ତ ହୋଇଛି ।

କିଛି ଇରାନୀ ଗଣମାଧ୍ୟମ ଏଜେନ୍ସି ରିପୋର୍ଟ ଅନୁସାରେ ଦୂରଗାମୀ କ୍ଷେପଣାସ୍ତ୍ର ବାଲିଷ୍ଟିକ୍‌ର ୬ଟି ମିସାଇଲ୍‌ ଇରାକ୍‌ର ଏରବିଲ୍‌ରେ ଥିବା ଆମେରିକାର ବାଣିଜ୍ୟିକ ଦୂତାବାସ ଉପରେ ମାଡ଼ ହୋଇଛି । ପ୍ରାରମ୍ଭିକ ରିପୋର୍ଟରୁ ଜଣାପଡ଼ିଛି ଯେ ୬ ଫତେହ-୧୧୦ ମିସାଇଲ୍‌କୁ ସମ୍ଭବତଃ ତବ୍ରିଜ୍‌ ଇରାନ୍‌ର ଖସାବାଦ ବେସ୍‌ରୁ ଏରବିଲ୍‌ ଦିଗରେ ଲଞ୍ଚ କରାଯାଇଥିଲା । ଏହି ମିସାଇଲ୍‌ ମାଡ଼କୁ ନେଇ ଆମେରିକା ସେନା କୌଣସି ଟିପ୍ପଣୀ ରଖିବାକୁ ମନା କରିଦେଇଛନ୍ତି । ଏହି ମିସାଇଲ୍‌ କିଏ ମାଡ଼ କରିଛି ତାହା ଏ ପର୍ଯ୍ୟନ୍ତ ଜଣାପଡ଼ିନାହିଁ ।

ତେବେ ଇରାକର ଅଧିକାରୀମାନେ ଅଭିଯୋଗ କରିଛନ୍ତି ଯେ ଏହି ବାଲିଷ୍ଟିକ୍ ମିସାଇଲ୍‌ ଇରାନରୁ ନିକ୍ଷେପ କରାଯାଇଛି । ଏହି ଆକ୍ରମଣକୁ ଆମେରିକା ଦୃଢ଼ ଭାବରେ ନିନ୍ଦା କରିଛି । ଏହି ଘଟଣାର ଇରାକ ସରକାର ଏବଂ କୁର୍ଦ୍ଦ ଆଞ୍ଚଳିକ ସରକାର ଅନୁସନ୍ଧାନ କରୁଛନ୍ତି ।

Powered by Froala Editor