ଆସିଲା ଏକ୍ଜିଟ ପୋଲ ରିପୋର୍ଟ : ମଣିପୁରରେ ପୁଣି ବାଜି ମାରିବ ବିଜେପି, ଗୋଆରେ ଝୁଲା
ଉତ୍ତର ପ୍ରଦେଶ, ପଞ୍ଜାବ, ଗୋଆ, ଉତ୍ତରାଖଣ୍ଡ ଓ ମଣିପୁରରେ ବିଧାନସଭା ନିର୍ବାଚନ ଶେଷ ହୋଇଯାଇଥିବା ବେଳେ ଆସିଛି ଏକ୍ଜିଟ୍ ପୋଲ୍ ଫଳାଫଳ। ଏଥିରୁ ଅଧିକାଂଶ ମଣିପୁରରେ ବିଜେପି ବହୁମତ ପାଇବ ବୋଲି କହିଛନ୍ତି। ମଣିପୁର ବିଧାନସଭାରେ ମୋଟ ୬୦ଟି ଆସନ ଥିବା ବେଳେ ମ୍ୟାଜିକ୍ ନମ୍ବର ହେଉଛି ୩୧। ଇଣ୍ଡିଆ ଟୁଡେ-ଆକ୍ସିସ୍ର ଏକ୍ଜିଟ୍ ପୋଲ୍ ଅନୁଯାୟୀ, ବିଜେପି ଏଠାରେ ୩୩-୪୩ଟି ଆସନରେ ଜିତିବ। କଂଗ୍ରେସ, ଏନ୍ପିପି ଓ ଏନ୍ପିଏଫ୍ ୪ରୁ୮ଟି ଲେଖାଏଁ ଆସନ ପାଇପାରନ୍ତି। ଅନ୍ୟାନ୍ୟଙ୍କୁ ୦ରୁ ୭ଟି ଆସନ ମିଳିପାରେ। ମୋଟାମୋଟି ଭାବେ ପୋଲ୍ ଅଫ୍ ପୋଲ୍କୁ ଦେଖିଲେ ଜଣାପଡୁଛି ବିଜେପି ଅନ୍ୟ ଦଳଙ୍କୁ ପଛରେ ପକାଇ ପୁଣି ବାଜି ମାରିବ ।
ପଞ୍ଜାବରେ ଆମ୍ ଆଦମୀ ପାର୍ଟିକୁ ୭୬ରୁ ୯୦, କଂଗ୍ରେସକୁ ୧୯ରୁ ୩୧, ବିଜେପି ମେଣ୍ଟକୁ ୧ରୁ ୪, ଅକାଳୀ ମେଣ୍ଟକୁ ୭ରୁ ୧୧, ଅନ୍ୟ ଦଳକୁ ୨ଟି ଆସନ ମିଳିବ ବୋଲି ଆକ୍ସିସ-ଇଣ୍ଡିଆ ଟୁଡେ ଆକଳନ କରିଛି ।
ଉତ୍ତର ପ୍ରଦେଶରେ ବିଜେପିକୁ ୨୪୦, ସମାଜବାଦୀ ପାର୍ଟିକୁ ୧୪୦, ବିଏସପିକୁ ୧୭ ଓ କଂଗ୍ରେସକୁ ୪ଟି ଆସନ ମିଳିବ ବୋଲି ରିପବ୍ଲିକ୍ ପି-ଏମଏଆରକ୍ୟୁ ଆକଳନ କରିଛି ।
ଏବିପି-ସି ଭୋଟରର ଆକଳନ ଅନୁସାରେ ଉତ୍ତରାଖଣ୍ଡରେ ବିଜେପିକୁ ୨୬ରୁ ୩୨, କଂଗ୍ରେସକୁ ୩୨ରୁ ୩୮ ଆସନ ମିଳିପାରେ ।
ଏକଜିଟ ପୋଲ ଅନୁଯାୟୀ, ଗୋଆରେ କ୍ଷମତାସୀନ ବିଜେପି ପୁଣି ସରକାର ଗଠନ କରିବାକୁ ସକ୍ଷମ ହେଉ ନାହିଁ। ଏଠାରେ ବିଜେପିକୁ କଡ଼ା ଟକ୍କର ଦେବ କଂଗ୍ରେସ। ଗୋଆର ୪୦ ବିଧାନସଭା ଆସନରୁ ସରକାର ଗଠନ ପାଇଁ ମ୍ୟାଜିକ ନମ୍ବର ହେଉଛି ୨୧। ହେଲେ କୌଣସି ଦଳ ମ୍ୟାଜିକ ନମ୍ବର ହାସଲ ନ କରିପାରନ୍ତି। ଇଟିଜି ରିସର୍ଚ୍ଚ ଅନୁଯାୟୀ ବିଜେପି ୧୭ରୁ ୨୦, କଂଗ୍ରେସ ୧୫ରୁ ୧୭, ଟିଏମସି ୩ରୁ ୪ଟି ଆସନ ଜିତି ପାରନ୍ତି।
Powered by Froala Editor
