ବଡଧରଣର ଚୋରି: ଇଂଜିନିୟରିଂ ଛାତ୍ରଙ୍କ ଭଡା ଘରେ ପଶି ଲୁଟିନେଲେ ଅଢେଇ ଲକ୍ଷର ଜିନିଷ
ଭୁବନେଶ୍ୱର: ଖଣ୍ଡଗିରି ଥାନା ଅଞ୍ଚଳରେ କାଲି ଆଉ ଏକ ବଡଧରଣର ଚୋରି ହୋଇଛି । ଏକ ଘରୋଇ ଇଂଜିନିୟରିଂ କଲେଜ୍ରେ ପାଠ ପଢୁଥିବା କିଛି ଛାତ୍ରଙ୍କ ଭଡା ଘରେ ପଶି ଲୁଟେରା ପ୍ରାୟ ଅଢେଇ ଲକ୍ଷ ଟଙ୍କାର ଇଲୋକ୍ଟ୍ରୋନିକ୍ସ ସାମଗ୍ରୀ ଲୁଟି ନେଇଛନ୍ତି । ଗୁରୁତ୍ୱପୂର୍ଣ୍ଣ କଥା ହେଉଛି, ଲୁଟେରା ଖବରକାଗଜ ବିତରକ ବେଶରେ ଘରେ ପଶି ଲୁଟ କରିଥିବା ଜଣାପଡିଛି । ଲୁଟର ସମସ୍ତ ଦୃଶ୍ୟ ସିସି କ୍ୟାମେରାରେ କଏଦ୍ ହୋଇଛି । ପୁଲିସ୍ ଫୁଟେଜ୍ ଜବତ କରି ଲୁଟେରାକୁ ଧରିବାକୁ ଉଦ୍ୟମ ଚଳାଇଛି ।
ଅଭିଯୋଗ ଅନୁଯାୟୀ , ଝାଡଖଣ୍ଡ ଧାନବାଦର ଯୁବକ ଅର୍କ ସର୍କାର୍ ୪ବର୍ଷ ହେଲା ଖଣ୍ଡଗିରିରେ ଥିବା ଏକ ଘରୋଇ ଇଂଜିନିୟରିଂ କଲେଜରେ ପାଠ ପଢନ୍ତି । ଗତ ରବିବାର ଅର୍କ ତାଙ୍କ ସାଙ୍ଗମାନଙ୍କ ସହ ଭୋର୍ ୪ଟାରୁ ଫଟୋ ସୁଟ୍ କରିବା ପାଇଁ ଲିଙ୍ଗରାଜ ମନ୍ଦିର ଯାଇଥିଲେ । ଘରେ ତାଙ୍କର ୨ସାଙ୍ଗ ଶୋଇଥିଲେ ।
ଅପରାହ୍ନରେ ସେ ଘରକୁୁ ଫେରି ଦେଖିବା ବେଳକୁ ତାଙ୍କର ଗୋଟିଏ ଲାପଟପ୍, ୨ଟି ଆଇପ୍ୟାଡ, ଇୟର ବଡ୍ସ, ୨ହଜାର ଟଙ୍କା ଓ କିଛି କାଗଜପତ୍ର ଚୋରି ହୋଇଯାଇଥିଲା ।
Powered by Froala Editor
