ବଦଳିବ ଆନ୍ଧ୍ରର ରାଜଧାନୀ
ବିଜୟୱାଡ଼ା: ଆନ୍ଧ୍ରପ୍ରଦେଶ ରାଜଧାନୀ ଖୁବଶୀଘ୍ର ଅମରାବତୀରୁ ବିଶାଖାପଟ୍ଟନମକୁ ସ୍ଥାନାନ୍ତର କରାଯିବ ବୋଲି ମୁଖ୍ୟମନ୍ତ୍ରୀ ୱାଇଏସ୍ ଜଗନ ମୋହନ ରେଡ୍ଡି ଘୋଷଣା କରିଛନ୍ତି । ଉଗାଡି ବା ତେଲୁଗୁ ନୂଆବର୍ଷ ଶେଷ ହେବା ପରେ ରାଜଧାନୀ ସ୍ଥାନାନ୍ତରୀକରଣ ପ୍ରକ୍ରିୟା ଆରମ୍ଭ ହେବ ବୋଲି ସେ କହିଛନ୍ତି । ଚଳିତ ବର୍ଷ ଏପ୍ରିଲ ୨ରେ ତେଲୁଗୁ ନୂଆବର୍ଷ ପାଳିତ ହେବ ।
ଜଗନ ମୋହନ ଆନ୍ଧ୍ରପ୍ରଦେଶ ପାଇଁ ୩ଟି ରାଜଧାନୀ କରିବାକୁ ଚାହୁଁଥିବା ଚର୍ଚ୍ଚା ହେଉଥିଲା । ତେବେ ୩ଟି ନୁହେଁ ବରଂ କେବଳ ବିଶାଖାପଟ୍ଟନମରେ ଆନ୍ଧ୍ରର ରାଜଧାନୀ ପ୍ରତିଷ୍ଠା ହେବ ବୋଲି ଜଗନ ସ୍ପଷ୍ଟ କରିଛନ୍ତି । ହାଇଦ୍ରାବାଦ ଏବଂ ଚେନ୍ନାଇ ଭଳି ବିଶାଖାପଟ୍ଟନମରେ ରାଜଧାନୀ ହେବା ନିମନ୍ତେ ସମସ୍ତ ପ୍ରକାର ସୁବିଧା ଥିବା ତଥା ଏଠାରେ ପ୍ରତ୍ୟେକ ଶ୍ରେଣୀର ଲୋକ ବସବାସ କରୁଛନ୍ତି । ଆଗାମୀ ୧୦ରୁ ୨୦ ବର୍ଷ ମଧ୍ୟରେ ବିଶାଖାପଟ୍ଟନମ୍ ଏକ ଗୁରୁତ୍ୱପୂର୍ଣ୍ଣ ସହର ଭାବେ ପରିଗଣିତ ହେବ ବୋଲି ଜଗନ କହିଛନ୍ତି ।
Powered by Froala Editor
