ବିଦେଶୀଙ୍କ ପାଇଁ କଟକଣା କୋହଳ : ହଟିଲା ୭ ଦିନିଆ କ୍ୱାରେଣ୍ଟାଇନ
ଗୁରୁବାର କେନ୍ଦ୍ର ସରକାର ନୂଆ ଗାଇଡଲାଇନ୍ ଜାରି କରିଛନ୍ତି । ବିଦେଶ ଫେରନ୍ତାଙ୍କ ଲାଗି ଜାରି ନୂଆ ଗାଇଡଲାଇନରେ ୭ ଦିନିଆ ବାଧ୍ୟତାମୂଳକ କ୍ୱାରେଣ୍ଟାଇନକୁ ହଟାଇ ଦିଆଯାଇଛି । ଏହି ନୂଆ ନିୟମ ଫେବ୍ରୁଆରୀ ୧୪ ତାରିଖରୁ ଲାଗୁ ହେବ ।
ଅନ୍ତର୍ଜାତୀୟ ଯାତ୍ରୀମାନେ ଯଦି ପୂରା ମାତ୍ରା ଟିକା ନେଇଥାନ୍ତି ଏବଂ ବିଶ୍ବ ସ୍ବାସ୍ଥ୍ୟ ସଂଗଠନ ମଞ୍ଜୁରିପ୍ରାପ୍ତ ଟିକାକୁ ନେଇ ଭାରତର ଯେଉଁସବୁ ଦେଶ ସହିତ ପାରସ୍ପରିକ ଗ୍ରହଣ ଯୋଗ୍ୟତା ରହିଛି ସେଠାରୁ ଆସୁଥିବା ଯାତ୍ରୀମାନଙ୍କୁ ବିମାନ ବନ୍ଦରରେ ଅଟକାଯିବ ନାହିଁ। ଏଥିସହିତ ସେମାନଙ୍କୁ ହୋମ୍ କ୍ୱାରେଣ୍ଟାଇନରେ ରହିବାକୁ ହେବ ନାହିଁ କିମ୍ବା ଟେଷ୍ଟିଂ କରିବାକୁ ହେବନାହିଁ।
ସରକାରଙ୍କ ନୂତନ ନିର୍ଦ୍ଦେଶାବଳୀ ଅନୁଯାୟୀ ଯାତ୍ରୀମାନଙ୍କୁ ବିଦେଶରୁ ଆସିବା ପରେ ୧୪ଦିନ ପର୍ଯ୍ୟନ୍ତ ସେମାନଙ୍କ ସ୍ୱାସ୍ଥ୍ୟ ଉପରେ ନଜର ରଖିବାକୁ ପଡିବ ଏବଂ ଯଦି ସେମାନେ କୋଭିଡ-୧୯ର ଲକ୍ଷଣ ଦେଖାନ୍ତି ତେବେ ସେମାନଙ୍କୁ ନିଜକୁ ଅଲଗା କରି ନିଜର କରୋନା ପରୀକ୍ଷା କରାଇବାକୁ ହେବ। ଏଥିସହ ପୂର୍ବରୁ ଓମିକ୍ରନ୍ ବିପଦକୁ ଦେଖି ବିଭିନ୍ନ ଦେଶ ପାଇଁ ସରକାର ଜାରି କରିଥିବା ଆଟ ରିସ୍କ ଟ୍ୟାଗକୁ ମଧ୍ୟ ହଟାଇ ଦିଆଯାଇଛି ।
Powered by Froala Editor
