ଫୁଲ ମାର୍କେଟରେ ଆଇଡି ଭର୍ତ୍ତି ବ୍ୟାଗ୍ ରଖିଥିଲା ଆଇଏସ୍ଆଇ
ଗାଜିପୁର ସୀମାରୁ ଉଦ୍ଧାର ହୋଇଥିବା ଆଇଡି ଭର୍ତ୍ତି ବ୍ୟାଗ୍କୁ ଆତଙ୍କୀ ସଙ୍ଗଠନ ଆଇଏସ୍ଆଇ ରଖିଥିଲା ବୋଲି ସୂଚନା ମିଳିଛି। ବୋମା ଭର୍ତ୍ତି ବ୍ୟାଗ୍ ଉଦ୍ଧାର ପରେ ତଦନ୍ତକାରୀ ଟିମ୍ ବିଭିନ୍ନ ଦିଗକୁ ତଦନ୍ତ କରି ଏପରି ଅନୁମାନ କରୁଛି । ଘଟଣାସ୍ଥଳରେ ଦିଲ୍ଲୀ ପୋଲିସ ଓ କେନ୍ଦ୍ରର ବିଭିନ୍ନ ତଦନ୍ତକାରୀ ସଂସ୍ଥା ତଦନ୍ତ କରୁଛି । ଘଟଣାରେ ସମ୍ପୃକ୍ତ ଥିବା କିଛି ଏଜେଣ୍ଟ ଆଖପାଖରେ ଥିବା ଅନୁମାନ କରାଯାଉଛି । ଗଣତନ୍ତ୍ର ଦିବସ ପୂର୍ବରୁ ଏପରି ଘଟଣା ଚିନ୍ତାର କାରଣ ପାଲଟିଛି । ସବୁଠୁ ବଡ଼ କଥା ହେଉଛି, ଆହୁରି କିଛି ଆଇଡି ଅନ୍ୟ କିଛି ସ୍ଥାନରେ ଏମାନେ ରଖିଥାଇପାରନ୍ତି ବୋଲି କୁହାଯାଉଛି। ତେଣୁ ସେ ଦିଗରେ ତଦନ୍ତ ଚାଲିଛି।
ଦୁଇ ଦିନ ତଳେ ଦିଲ୍ଲୀ ଗାଜିପୁରର ଫୁଲ ମାର୍କେଟରୁ ଏକ ବ୍ୟାଗ୍ରୁ ଆଇଇଡି ମିଳିଥିଲା। ଏହାକୁ ନିର୍ଷ୍କିୟ କରିବା ସହ ଏନ୍ଏସିଜି ତଦନ୍ତ କରିଥିଲା। ଗଣତନ୍ତ୍ର ଦିବସ ପୂର୍ବରୁ ରାଜପଥରୁ ୧୫ କିଲୋମିଟର ଦୂରରେ ଏଭଳି ଘଟଣା ଘଟିଥିବାରୁ ଏହାର ଗୁରୁତ୍ୱ ଅଧିକ ବଢ଼ିଛି।
ସେପଟେ ଉତ୍ତରପ୍ରଦେଶ ନିର୍ବାଚନ ଥିବାରୁ ଏହି ଘଟଣାକୁ ନେଇ ସମସ୍ତେ ଆତଙ୍କରେ ରହିଛନ୍ତି ।
Powered by Froala Editor
