ଟିକେଟ ମିଳିଲାନି ବୋଲି ରାଗରେ ଆତ୍ମହତ୍ୟା ଉଦ୍ୟମ କଲେ ନେତା
ଉତ୍ତରପ୍ରଦେଶରେ ନିର୍ବାଚନ ତାରିଖ ଘୋଷଣା ପରେ ଟିକେଟକୁ ନେଇ ବିବାଦ ଲାଗି ରହିଛି । ଏହାରି ଭିତରେ ଟିକେଟ୍ ନମିଳିବାରୁ ଜଣେ ନେତା ଦଳୀୟ ଅଫିସ ବାହାରେ ହିଁ ଆତ୍ମହତ୍ୟା ଉଦ୍ୟମ କରିଛନ୍ତି। ଅଲିଗଡର ସମାଜବାଦୀ ପାର୍ଟି ନେତା ଆଦିତ୍ୟ ଠାକୁର ଟିକେଟ ନମିଳିବାର ଅତ୍ୟନ୍ତ ଦୁଃଖିତ ହୋଇ ସାମାଜବାଦୀ ପାର୍ଟି ଅଫିସ ବାହାରେ ଦେହରେ ପେଟ୍ରୋଲ ଢ଼ାଳି ଆତ୍ମହତ୍ୟା କରିବାକୁ ଚେଷ୍ଟା କରିଛନ୍ତି। ହେଲେ ଘଟଣାସ୍ଥଳରେ ପୁଲିସ ପହଞ୍ଚି ତାଙ୍କୁ ଉଦ୍ଧାର କରିଛି।
ଆଦିତ୍ୟ ଠାକୁରଙ୍କୁ ଛରୋରୁ ଟିକେଟ ନମିଳିବାରୁ ରାଗିଯାଇଥିଲେ । ଏଥିପାଇଁ ସମାଜବାଦୀ ପାର୍ଟି ଅଫିସ ବାହାରକୁ ଆସି ଆତ୍ମହତ୍ୟା ଉଦ୍ୟମ କରୁଥିଲେ । ହେଲେ ପୁଲିସ ତାଙ୍କୁ ଉଦ୍ଧାର କରି ହସ୍ପିଟାଲରେ ଭର୍ତ୍ତି କରିଛି। ସେ ସୁସ୍ଥ ଥିବା ଜଣାପଡିଛି।
ବର୍ତ୍ତମାନ ଉତ୍ତର ପ୍ରଦେଶରେ ନିର୍ବାଚନକୁ ନେଇ ଆରମ୍ଭ ହୋଇଛି ରାଜନୀତି । ମୁଲାୟମ ସିଂଙ୍କ ସାନ ବୋହୂ ଅପର୍ଣ୍ଣା ଯାଦବ ବିଜେପିରେ ମିଶିପାରନ୍ତି ବୋଲି ଚର୍ଚ୍ଚା ହେଉଛି । ଯାହାକୁ ନେଇ ଏବେ ଉତ୍ତର ପ୍ରଦେଶର ରାଜନୀତିରେ ହଟଚମଟ ସୃଷ୍ଟି ହୋଇଛି ।
Powered by Froala Editor
