ସୂଚନା ଓ ପ୍ରସାରଣ ମନ୍ତ୍ରଣାଳୟର ଟ୍ୱିଟର ଆକାଉଣ୍ଟ ହ୍ୟାକ୍, ‘ଏଲୋନ୍ ମସ୍କ’ ଦେଲେ ନାଁ
ନୂଆଦିଲ୍ଲୀ: ଗୁରୁତ୍ୱପୂର୍ଣ୍ଣ ସୂଚନା । ହ୍ୟାକ୍ ହୋଇଛି ଭାରତ ସରକାରଙ୍କ ସୂଚନା ଓ ପ୍ରସାରଣ ମନ୍ତ୍ରଣାଳୟର ଟ୍ୱିଟର ଆକାଉଣ୍ଟ । ହ୍ୟାକ୍ରମାନେ ଏହାର ନାଁ ପରିବର୍ତ୍ତନ କରି ରଖିଛନ୍ତି ‘ଏଲୋନ୍ ମସ୍କ’ । ପୂର୍ବରୁ ପ୍ରଧାନମନ୍ତ୍ରୀଙ୍କ ଟ୍ୱିଟର ଆକାଉଣ୍ଟକୁ ହ୍ୟାକ୍ କରିଥିବା ହ୍ୟାକରମାନେ ଏହି ଆକାଉଣ୍ଟକୁ ମଧ୍ୟ ହ୍ୟାକ କରିଥିବା ସନ୍ଦେହ କରାଯାଉଛି । ହ୍ୟାକରମାନେ ଏହାର ପ୍ରୋଫାଇଲରେ ଏକ ମାଛର ଚିତ୍ର ରଖିଛନ୍ତି । ଆକାଉଣ୍ଟରେ କିଛି ସମୟ ପାଇଁ ‘ଗ୍ରେଟ୍ ଜବ୍’ ମଧ୍ୟ ଟ୍ୱିଟ୍ ହୋଇଥିଲା ।
ସେପଟେ ଏହା ଜଣାପଡ଼ିବା ପରେ ତୁରନ୍ତ ସଜାଡ଼ିବାକୁ ମନ୍ତ୍ରଣାଳୟର ଏକ୍ସପଟ୍ମାନେ ଲାଗି ପଡ଼ିଛନ୍ତି । ଏଥିସହିତ ଏନେଇ ସାଇବର ସେଲ୍ରେ ଅଭିଯୋଗ କରାଯାଇଛି । ହ୍ୟାକର୍ମାନଙ୍କୁ ଚିହ୍ନଟ କରିବାକୁ ଏକ ଟିମ୍ ଗଠନ କରାଯାଇଥିବା ସାଇବର ସେଲ୍ ବିଭାଗ ପକ୍ଷରୁ ସୂଚନା ଦିଆଯାଇଛି ।
Powered by Froala Editor
