ପଞ୍ଚ ତାରକା ହୋଟେଲରେ ରହିବେ ହାଇକୋର୍ଟ ବିଚାରପତି
ନୂଆଦିଲ୍ଲୀ: କରୋନା ସଂକ୍ରମିତ ହେଲେ ଦିଲ୍ଲୀ ହାଇକୋର୍ଟ ବିଚାରପତିଙ୍କ ପାଇଁ ହୋଇଛି ସ୍ୱତନ୍ତ୍ର ବ୍ୟବସ୍ଥା । ସେମାନେ ରହିବେ ପଞ୍ଚ ତାରକା ହୋଟେଲରେ । କେବଳ ବିଚାରପତିି ନୁହନ୍ତି, ସେମାନଙ୍କ ପରିବାର ଲୋକେ ମଧ୍ୟ ସେଠାରେ ରହିବାକୁ ବ୍ୟବସ୍ଥା କରାଯାଉଛି । ଏଥିପାଇଁ ୧୦୦ ଶଯ୍ୟା ବିଶିଷ୍ଟ କୋଭିଡ୍ କେୟାର ସେଣ୍ଟର କରିବା ଲାଗି ନିଷ୍ପତ୍ତି ନିଆଯାଇଛି । ଚାଣକ୍ୟପୁରୀ ଏସଡିଏମ୍ ଏନେଇ ଏକ ଆଦେଶନାମା ଜାରି କରିଥିବା ଜଣାପଡ଼ିଛି ।
ନିର୍ଦ୍ଦେଶ ଅନୁଯାୟୀ, ପ୍ରାଇମ୍ସ ହସ୍ପିଟାଲ ଏହି କୋଭିଡ୍ କେୟାର ସେଣ୍ଟର ବୁଝାସୁଝା କରିବ । ଡାକ୍ତର, ନର୍ସ ଓ ସମସ୍ତ ସ୍ୱାସ୍ଥ୍ୟ ସେବା ଯୋଗାଇବା କାମ ମଧ୍ୟ ହସ୍ପିଟାଲ ବୁଝିବ । ଖାଦ୍ୟ ଓ ସଫାସୁତୁରା ହୋଟେଲ ପକ୍ଷରୁ କରାଯିବ । କରୋନା ସଂକ୍ରମଣ ବଢୁଥିବାରୁ ହାଇକୋର୍ଟଙ୍କ ପକ୍ଷରୁ ଏହି ଅନୁରୋଧ କରାଯାଇଥିଲା । ଏହାପରେ ପ୍ରଶାସନ ଚାଣକ୍ୟପୁରୀରେ ଏକ ହୋଟେଲକୁ କୋଭିଡ୍ କେୟାର ସେଣ୍ଟର କରିବାକୁ ନିଷ୍ପତ୍ତି ନେଇଥିଲା ।
Powered by Froala Editor
