ନୂଆଦିଲ୍ଲୀ: କୋଭିଡ-୧୯ ପ୍ରତିଷେଧକ ଟିକା ମୂଲ୍ୟ ହ୍ରାସ କରିବାକୁ କେନ୍ଦ୍ର ସରକାର ସେରମ ଇନଷ୍ଟିଚୁ୍ୟଟ ଅଫ ଇଣ୍ଡିଆ ଓ ଭାରତ ବାୟୋଟେକକୁ କହିଛନ୍ତି । କ୍ୟାବିନେଟ ସଚିବ ରାଜୀବ ଗୌବାଙ୍କ ଅଧ୍ୟକ୍ଷତାରେ ବସିଥିବା ଏକ ଉଚ୍ଚସ୍ତରୀୟ ବୈଠକରେ ଟିକା ମୂଲ୍ୟ ପ୍ରସଙ୍ଗରେ ଆଲୋଚନା ହୋଇଥିଲା । ବୈଠକ ପରେ କମ୍ପାନୀକୁ ଟିକା ମୂଲ୍ୟ ହ୍ରାସ କରିବା ଲାଗି ପରାମର୍ଶ ଦିଆଯାଇଥବା ଜଣାପଡ଼ିଛି । ଆସନ୍ତା ମେ ପହିଲାରୁ ଦେଶରେ ୧୮-୪୪ ବର୍ଷ ବୟସ୍କ ସମସ୍ତଙ୍କୁ ଟିକାକରଣ କରିବା ଲାଗି ସରକାର ଘୋଷଣା କରିଥିଲା ବେଳେ ଟିକା ମୂଲ୍ୟକୁ ନେଇ ଅନେକ ଆପତ୍ତି ଉଠାଇଥିଲେ । ଭାରତ ବାୟେରାଟେକ ଏହାର କୋଭାକ୍ସିନ ଟିକା ମୂଲ୍ୟ ଡୋଜ ପିଛା ରାଜ୍ୟ ସରକାରଙ୍କ ପାଇଁ ୬୦୦ ଓ ଘରୋଇ ହସ୍ପିଟାଲ ପାଇଁ ୧୨୦୦ ଟଙ୍କା ଧାର୍ଯ୍ୟ କରିଛି । ସେହିଭଳି ସେରମ ଇନଷ୍ଟିଚୁ୍ୟଟ ପକ୍ଷରୁ ଏହାର କୋଭିସିଲ୍ଡ ଟିକା ରାଜ୍ୟ ସରକାରଙ୍କ ପାଇଁ ଡୋଜ ପିଛା ୪୦୦ ଟଙ୍କା ଓ ଘରୋଇ ହସ୍ପିଟାଲ ପାଇଁ ୬୦୦ ଟଙ୍କା ରଖାଯାଇଛି । କିନ୍ତୁ ଉଭୟ ଟିକା କମ୍ପାନୀ କେନ୍ଦ୍ର ସରକାରଙ୍କୁ ବର୍ତ୍ତମାନ ଡୋଜ ପିଛା ୧୫୦ ଟଙ୍କାରେ ଯୋଗାଇ ଦେଉଛନ୍ତି । କେନ୍ଦ୍ର ସରକାର ୪୫ ବର୍ଷରୁ ଊଦ୍ଧ୍ୱର୍ ସବୁ ନାଗରିକଙ୍କୁ ଟିକାକରଣ ପାଇଁ ତାକୁ ବିଭିନ୍ନ ରାଜ୍ୟକୁ ମାଗଣାରେ ପଠାଉଛନ୍ତି । ରାଜ୍ୟମାନେ ଅଭିଯୋଗ କରିଥିଲେ ଯେ ଟିକାର ଦାମ ବହୁ ଅଧିକ ହୋଇଯାଇଛି । 

Powered by Froala Editor