ଓମିକ୍ରନ ସଂକ୍ରମଣକୁ ନେଇ ବଡ଼ ଚେତାବନୀ ଦେଲା ହୁ, ଜାଣନ୍ତୁ କ’ଣ
ନୂଆଦିଲ୍ଲୀ: କରୋନାର ଓମାଇକ୍ରନ ଭାରିଆଣ୍ଟ ସଂକ୍ରମଣ ବିଶ୍ୱବ୍ୟାପୀ ଦ୍ରୁତ ଗତିରେ ମାଡ଼ିବାକୁ ଲାଗିଛି । ଆମେରିକା ଓ ୟୁରୋପୀୟ ଦେଶରେ ମହାମାରୀ ବିସ୍ଫୋରକ ରୂପ ନେଉଛି । ଏଭଳି ସ୍ଥିତିରେ ବିଶ୍ୱ ସ୍ୱାସ୍ଥ୍ୟ ସଂଗଠନ (ଡବ୍ଲୁ୍ୟଏଚଓ) ଏକ ବଡ଼ ଚେତାବନୀ ଦେଇଛି । ଏହା କହିଛି ଯେ ଓମାଇକ୍ରନ ଯେତେ ଦ୍ରୁତ ଗତିରେ ମାଡ଼ିବ, ଭୂତାଣୁର ନୂଆ ତଥା ବିପଜ୍ଜନକ ଭାରିଆଣ୍ଟ ସୃଷ୍ଟି ହେବା ଆଶଙ୍କା ସେତେ ବୃଦ୍ଧି ପାଇବ ।
ଡବ୍ଲୁଏଚଓର ବରିଷ୍ଠ ଆପାତକାଳୀନ ଅଧିକାରୀ କ୍ୟାଥରିନ ସୁଲଉଡ କହିଛନ୍ତି, ଓମାଇକ୍ରନ ଏବେ ଘାତକ ପାଲଟିଛି । ଏଥିରେ ସଂକ୍ରମଣ ହେଲେ ମୃତୁ୍ୟ ହୋଇପାରେ । ଡେଲଟା ତୁଳନାରେ ଏହି ଭାରିଆଣ୍ଟରେ ମୃତୁ୍ୟ ହାର କିଛି ପରିମାଣରେ କମିପାରେ । କିନ୍ତୁ ଏହା ଘାତକ ନୁହେଁ ବୋଲି କୁହାଯାଇପାରିବ ନାହିଁ । କିନ୍ତୁ ଆଗାମୀ ଭାରିଆଣ୍ଟ କେତେ ଘାତକ ହେବ, ତାହା କାହାକୁ ଜଣାନାହିଁ । ନୂଆ ବିପଜ୍ଜନକ ଭାରିଆଣ୍ଟ ଆସିବା କିଛି ଅସମ୍ଭବ ନୁହେଁ ।
Powered by Froala Editor
