ମହାରାଷ୍ଟ୍ରର ସ୍ଥିତି ସାଙ୍ଘାତିକ, ୧୦ଜଣ ଆଗଧାଡିର ନେତା କରୋନା ପଜିଟିଭ୍
ମୁମ୍ବାଇ: ଅନେକ ମନ୍ତ୍ରୀଙ୍କ ସମେତ ମହାରାଷ୍ଟ୍ରରେ ୧୦ ଜଣ ଶୀର୍ଷ ନେତା କରୋନା ସଂକ୍ରମିତ ହୋଇଛନ୍ତି । ମହାରାଷ୍ଟ୍ର ବିଧାନସଭାର ଶୀତ ଅଧିବେଶନ ଏବଂ ରାଜ୍ୟରେ ଗତ ସପ୍ତାହରେ କିଛି ପ୍ରମୁଖ ନେତାଙ୍କ ପୁଅ ଏବଂ ଝିଅ ବିବାହ ଉତ୍ସବରେ ଯୋଗ ଦେଇଥିବା ମୋଟ ୧୦ ଜଣ ନେତା କରୋନା ସଂକ୍ରମିତ ହୋଇଥିବା ଜଣାପଡିଛି । କରୋନା ସଂକ୍ରମିତ ହୋଇଥିବା ଅଧିକାଂଶ ନେତା ଏନସିପି ରାଜ୍ୟ ସଭାପତି ତଥା ଜୟନ୍ତ ପାଟିଲଙ୍କ ପୁଅ ବିବାହ ଏବଂ ବିଜେପି ନେତା ହର୍ଷବର୍ଦ୍ଧନ ପାଟିଲଙ୍କ ଝିଅ ବିବାହ ଉତ୍ସବରେ ଯୋଗ ଦେଇଥିଲେ ।
ଏନସିପିର ସୁପି୍ରୟା ସୁଲେ ମଧ୍ୟ ଏହି ୨ଟି ଉତ୍ସବରେ ଯୋଗ ଦେଇଥିଲେ । ସୁଲେ ଓ ତାଙ୍କ ସ୍ୱାମୀ ସଦାନନ୍ଦ କରୋନା ସଂକ୍ରମିତ ହୋଇଛନ୍ତି । ହର୍ଷବର୍ଦ୍ଧନ ପାଟିଲ ମଧ୍ୟ କରୋନା ସଂକ୍ରମିତ ହୋଇଛନ୍ତି । ଜୟନ୍ତ ପାଟିଲଙ୍କ ପୁତୁରା ଏବଂ ମନ୍ତ୍ରୀ ପି.ତନପୁରେ କରୋନା ସଂକ୍ରମିତ ହୋଇଛନ୍ତି । କ୍ୟାବିନେଟ ମନ୍ତ୍ରୀ ବାଲାସାହେବ ଥୋରାଟ, କେସି ପଦଭୀ, ବର୍ଷା ଗାଇକୱାଡ, ବିଜେପି ବିଧାୟକ ରାଧାକ୍ରୀଷ୍ଣ ଭିକେ ପାଟିଲ ଏବଂ ଅନ୍ୟ ନେତାମାନେ କରୋନା ସଂକ୍ରମିତ ହୋଇଛନ୍ତି ।
Powered by Froala Editor
