ଆଜି ନୂଆ ଡିଜି ଭାବେ ଦାୟତ୍ୱ ନେବେ ସୁନିଲ ବଂଶଲ
କଟକ : ଓଡ଼ିଶା ପୁଲିସ ବିଭାଗର ନୂଆ ଡିଜି ଭାବେ ଶୁକ୍ରବାର ଦାୟିତ୍ୱ ନେବାକୁ ଯାଉଛନ୍ତି ସୁନୀଲ ବଂଶଲ । ଅଭୟ ଶୁକ୍ରବାର ଅବସର ନେବାକୁ ଯାଉଥିବା ବେଳେ ତାଙ୍କ ସ୍ଥାନରେ ସୁନୀଲ ବଂଶଲ ଦାୟିତ୍ୱ ଗ୍ରହଣ କରିବେ । ଗୁରୁବାର ରାତିରେ ସୁନୀଲ ବଂଶଲ ଭୁବନେଶ୍ୱର ବିମାନ ବନ୍ଦରରେ ପହଞ୍ଚିଛନ୍ତି । ଆଜି କଟକ ପୁଲିସ ମୁଖ୍ୟାଳୟରେ ପୁରୁଣା ଡିଜିଙ୍କ ବିଦାୟ ଓ ନୂଆ ଡିଜିପିଙ୍କ ଦାୟିତ୍ୱ ଗ୍ରହଣ କାର୍ଯ୍ୟକ୍ରମ ଆୟୋଜନ ହେବ ।
୧୯୮୭ ବ୍ୟାଚର ଆଇପିଏସ୍ ଅଫିସର ସୁନୀଲ ବଂଶଲ କେନ୍ଦ୍ରୀୟ ଗୁଇନ୍ଦା ବିଭାଗର ସ୍ୱତନ୍ତ୍ର ନିଦେ୍ର୍ଧଶକ ଭାବେ କାର୍ଯ୍ୟରତ ଥିଲେ । ୧୯୯୪ରେ ସେ କେନ୍ଦ୍ରୀୟ ଡେପୁଟେସନରେ ଯାଇଥିଲେ । ଦୀର୍ଘ ୨୭ ବର୍ଷ ପରେ ସେ ଓଡ଼ିଶା ଫେରୁଛନ୍ତି । ୨୦୧୯ ଡିସେମ୍ବର ୯ ତାରିଖରେ ଶ୍ରୀ ଅଭୟ ଓଡ଼ିଶା ପୁଲିସ ବିଭାଗର ଡିଜିପି ଭାବେ କାର୍ଯ୍ୟ କରି ଆସୁଥିଲେ । ୧୯୮୬ ବ୍ୟାଚର ଓଡ଼ିଶା କ୍ୟାଡର୍ ଆଇପିଏସ୍ ଅଫିସର ଶ୍ରୀ ଅଭୟ ଡିସେମ୍ବର ୩୧ ତାରିଖରେ ଚାକିରିରୁ ଅବସର ନେବାକୁ ଯାଉଛନ୍ତି । ତାଙ୍କ ସ୍ଥାନରେ ରାଜ୍ୟ ସରକାର ଶ୍ରୀ ବଂଶଲଙ୍କୁ ନିଯୁକ୍ତ କରିଛନ୍ତି ।
Powered by Froala Editor
