ନୂଆଦିଲ୍ଲୀ: ଦେଶରେ ବଢ଼ୁଛି ନକଲି ଖାଇବା ତେଲ ବିକ୍ରି । ଏଫଏସଏସଏଆଇର କହିବା ଅନୁଯାୟୀ ଦେଶର ୫୮୭ ଟି ଜିଲ୍ଲା ଏବଂ ଚାରୋଟି ମେଟ୍ରୋ ସହରରୁ ୧୫ ପ୍ରକାରର ଖାଇବା ତେଲର ୪,୪୬୧ ନମୁନା ନିଆଯାଇଥିଲା । ସେଥି ମଧ୍ୟରୁ ୨.୪୨ ପ୍ରତିଶତ ଅର୍ଥାତ୍ ୧୦୮ ନମୁନା ସଂପୂର୍ଣ୍ଣ ନକଲି ବୋଲି ଜଣାପଡିଛି । ତେଲରେ ବିଭିନ୍ନ ପ୍ରକାରର ରାସାୟନିକ ଦ୍ରବ୍ୟ ପଦାର୍ଥ ମିଶାଯାଇଥିବା ଦାବି ରଖିଛି । ଯାହା ସ୍ୱାସ୍ଥ୍ୟ ପାଇଁ ବିପଦଜନକ ବୋଲି ପ୍ରମାଣିତ ହୋଇପାରେ । ଏନେଇ ଗତ ବୁଧବାର ଫୁଡ୍ ସେଫ୍ଟି ଆଣ୍ଡ ଷ୍ଟାଣ୍ଡାର୍ଡ ଅଥରିଟି ଅଫ୍ ଇଣ୍ଡିଆ ଏକ ରିପୋର୍ଟ ପ୍ରକାଶ କରିଛି । ରିପୋର୍ଟରେ କୁହାଯାଇଛି କି, ସାରା ଦେଶରୁ ସଂଗୃହିତ ଖାଇବା ତେଲ ନମୁନାଗୁଡିକର ୨୪.୨ ପ୍ରତିଶତ ମାନ ଖରାପ ରହିଛି । ଏହି ନମୁନାଗୁଡ଼ିକରେ ହାଇଡ୍ରୋସିୟାନିକ୍ ଏସିଡ୍ ମିଳିଥିଲା, ଯାହାକି ଏକ ପ୍ରକାର ବିଷାକ୍ତ ରାସାୟନିକ ଅଟେ । ଯାହା ସ୍ୱାସ୍ଥ୍ୟ ଉପରେ ଗୁରୁତର ପ୍ରଭାବ ପକାଇପାରେ ।

ଏଫଏସଏସଏଆଇ କହିଛି, ମୋଟ ନମୁନା ମଧ୍ୟରୁ ୧୨.୮ ପ୍ରତିଶତ ଅର୍ଥାତ୍ ୫୭୨ ଉତ୍ପାଦର ଲେବଲ୍ ଉପରେ ଦିଆଯାଇଥିବା ଦାବି ପୂରଣ କରିନାହିଁ । ଭିଟାମିନ୍ ଏ ଏବଂ ଡି ଏହି ଖାଇବା ତେଲରେ ମିଳିବା ପାଇଁ ଦାବି କରାଯାଇଥିଲା । କିନ୍ତୁ ଏହି ଦାବି ପରୀକ୍ଷାରେ ବିଫଳ ହୋଇଥିଲା । ଏହିପରି ନମୁନାଗୁଡିକ ଭୁଲ୍ ବର୍ଗରେ ସ୍ଥାନିତ କରାଯାଇଛି । ଅନେକ ଖାଇବା ତେଲ ଅନ୍ୟ ତେଲ କିମ୍ବା ରାସାୟନିକ ପଦାର୍ଥ ସହିତ ବ୍ୟଭିଚାର ହୋଇଥିବାବେଳେ କେତେକ ସ୍ୱୟଂ ଜୀବନ ଭଳି ମାନଦଣ୍ଡକୁ ପୂରଣ କରିନଥିଲେ । ଏହି ତେଲର ନମୁନା ଏଫଏସଏସଏଆଇ ଅଗଷ୍ଟ ୨୫ ରୁ ଦେଶର ବିଭିନ୍ନ ସ୍ଥାନରୁ ସୋରିଷ ତେଲ, ନଡିଆ ତେଲ, ମିଶ୍ରିତ ତେଲ, ସୋୟାବିନ୍ ତେଲ, ସୂର୍ୟ୍ୟମୁଖୀ ତେଲ ପରି ବିଭିନ୍ନ ତେଲ ଉପରେ ପରୀକ୍ଷା କରିଛି । ଖାଦ୍ୟ ନିୟାମକ ତୈଳ ଉତ୍ପାଦନକାରୀ କମ୍ପାନୀମାନଙ୍କୁ ବ୍ୟଭିଚାର ବିରୁଦ୍ଧରେ ପଦକ୍ଷେପ ନେବାକୁ କହାଯାଇଛି ।

ଏନେଇ ଖାଦ୍ୟ ବିଭାଗର ଅଧିକାରୀ, ତୈଳ ପ୍ରକ୍ରିୟାକରଣ କମ୍ପାନୀର ପ୍ରତିନିଧୀ, ସଂପୃକ୍ତ ମନ୍ତ୍ରଣାଳୟ ଏବଂ ବିଭାଗର ପ୍ରତିନିଧୀମାନେ ଏକ ବୈଠକ କରିଥିଲେ । ଅନୁସନ୍ଧାନ ପାଇଁ ଏନଫୋର୍ସମେଣ୍ଟ ଏଜେନ୍ସି ନିର୍ଦ୍ଦେଶ ଦେଇଛନ୍ତି ବହୁ ପରିମାଣର ନକଲି ଖାଇବା ତେଲ ଚିହ୍ନଟ ହେବା ପରେ ଏହ।କୁ ବନ୍ଦ କରିବାକୁ ଏଫଏସଏସଏଆଇ କାର୍ୟ୍ୟକାରୀ ଏଜେନ୍ସି ଏବଂ ରାଜ୍ୟ ଅନୁସନ୍ଧାନକାରୀ ୟୁନିଟ୍କୁ ନିର୍ଦ୍ଦେଶ ଦେଇଛି ।

Powered by Froala Editor