ଭୁବନେଶ୍ୱର: ଦିନକୁ ଦିନ କରୋନା ସଂକ୍ରମଣ ହ୍ରାସ ପାଉଥିବାବେଳେ କରୋନାର ନୂଆ ଭାରିଆଣ୍ଟ ଓମିକ୍ରନକୁ ନେଇ ଚିନ୍ତାରେ ସାରା ବିଶ୍ୱ । କରୋନାର ଏହି ଭାରିଆଣ୍ଟ ଦ୍ରୁତ ଗତିରେ ତା’ର କାୟା ବିସ୍ତାର କରୁଥିବାରୁ, ଏହାର ମୁକାବିଲା ପାଇଁ ସରକାର ବିଭିନ୍ନ ପ୍ରକାର ପଦକ୍ଷପ ନେଇଛନ୍ତି । ସବୁ କଟକଣାକୁ ଭେଦ କରି ଓମିକ୍ରନ ମାଡିଚାଲିଛି । ଏହାରି ଭିତରେ ସରକାର ଟିକାକରଣକୁ ଗୁରୁତ୍ୱ ଦେଉଛନ୍ତି । ଜାନୁୟାରୀରୁ ପିଲାଙ୍କୁ ଟିକାଦାନ କରିବା ସହିତ ବୁଷ୍ଟର ଡୋଜ୍ ଦେବାକୁ ମଧ୍ୟ ସରକାର ନିଷ୍ପତ୍ତି ନେଇଛନ୍ତି ।

 
ଏହାରି ଭିତରେ ଆଉ ଏକ ଆଶ୍ୱସ୍ତିକର ଖବର ସାମ୍ନାକୁ ଆସିଛି । କୋଭିଡ୍ ବିରୋଧୀ ଲଢେଇରେ ଆଉ ଦୁଇଟି ଟିକାକୁ ଅନୁମତି ମିଳିଛି । ସେହି ଦୁଇଟି ଟିକା ହେଉଛି କୋର୍ବୋଭାକ୍ସ ଓ କୋଭୋଭାକ୍ସ । ଏହି ଦୁଇଟି ଟିକାକୁ ଜରୁରୀ ବ୍ୟବହର ପାଇଁ ଅନୁମତି ମିଳିଛି ।  ଏନେଇ କେନ୍ଦ୍ର ସ୍ୱାସ୍ଥ୍ୟମନ୍ତ୍ରୀ ମନସୁଖ୍ ମଣ୍ଡାଭିଆ ସୂଚନା ଦେଇଛନ୍ତି। ଆଣ୍ଟିଭାଇରାଲ ଡ୍ରଗ୍ ମୋଲନୁପିରାଭିରର ଜରୁରୀ ବ୍ୟବହାର ପାଇଁ ଅନୁମତି ମିଳିଛି । ସିଡିଏସସିଓର ଅନୁମତି ନେଇ ସ୍ୱାସ୍ଥ୍ୟ ମନ୍ତ୍ରଣାଳୟ ସୂଚନା ଦେଇଛି ।

କୋର୍ଭେବାକ୍ସ ଟିକା ଦେଶରେ ପ୍ରଥମ ସ୍ୱଦେଶୀ ଭାବେ ପ୍ରସ୍ତୁତ ହୋଇଥିବା ଆରବିଡି ପ୍ରୋଟିନ ସବ୍-ୟୁନିଟ୍ ଭ୍ୟାକ୍ସିନ ଅଟେ । ଏହାକୁ ହାଇଦ୍ରାବାଦ ସ୍ଥିତ ଫାର୍ମ ବାୟୋଲୋଜିକାଲ –ଇ ଦ୍ୱାରା ବିକଶିତ କରାଯାଇଛି । ଏହା ଭାରତରେ ବିକଶିତ ହୋଇଥିବା ତୃତୀୟ ଟିକା । ସ୍ୱାସ୍ଥ୍ୟମନ୍ତ୍ରୀ କହିଛନ୍ତି କି, ନାନୋପାର୍ଟିକିଲ ଟିକା କୋର୍ଭେଭାକ୍ସର ନିର୍ମାଣ ପୁଣେ ସ୍ଥିତ ଫାର୍ମ ସିରମ ଇନଷ୍ଟିଚ୍ୟୁଟ ଅଫ୍ ଇଣ୍ଡିଆ ଦ୍ୱାରା ପ୍ରସ୍ତୁତ କରାଯିବ ।

Powered by Froala Editor