ସୁରଟରେ ଦୟନୀୟ ଅବସ୍ଥା, ଶବ ସଂସ୍କାର ପାଇଁ ମିଳୁନି କାଠ
ଅହମ୍ମଦାବାଦ: ଗୁଜୁରାଟରେ କରୋନା ଯୋଗୁଁ ଭୟଙ୍କର ପରିସ୍ଥିତି ସୃଷ୍ଟି ହୋଇଛି । ସୁରଟ ଭଳି ସହରରେ କରୋନା ଯୋଗୁଁ ଏତେ ଲୋକ ପ୍ରାଣ ହରାଉଛନ୍ତି ଯେ ସେମାନଙ୍କ ଅନ୍ତିମ ସଂସ୍କାର କରିବା ପାଇଁ କାଠ ମିଳୁନାହିଁ । ତେଣୁ ଶବ ପୋଡ଼ିବା ପାଇଁ ଚିନି କଳରୁ ଆଖୁର ଛେଦା ମଗାଯାଉଛି ଏବଂ ତାକୁ ବ୍ୟବହାର କରି ଅନ୍ତିମ ସଂସ୍କାର କରାଯାଉଛି । ସହରରେ ଥିବା ସବୁ ଶ୍ମଶାନରେ ଦିନରାତି ଶବ ସଂସ୍କାର ଚାଲିଛି । ହେଲେ ତଥାପି ଅନ୍ତିମ ସଂସ୍କାର କରିବା ପାଇଁ ଆସୁଥିବା ଲୋକଙ୍କୁ ଘଣ୍ଟା ଘଣ୍ଟା ଅପେକ୍ଷା କରିବାକୁ ପଡୁଛି । ଏହି କାରଣରୁ ସହରରେ ପୂର୍ବରୁ ବନ୍ଦ କରାଯାଇଥିବା କିଛି ଶ୍ମଶାନକୁ ପୁଣି ଥରେ କାର୍ଯ୍ୟକ୍ଷମ କରିଦିଆଯାଉଛି । ଏହା ସତ୍ତ୍ୱେ ବି ଅନ୍ତିମ ସଂସ୍କାର ପାଇଁ ଶବର ଲାଇନ ଲାଗୁଥିବାରୁ କେତେକ ଶବକୁ ଅନ୍ୟ ସହରରେ ଥିବା ଶ୍ମଶାନକୁ ପଠାଯାଇଛି ।
Powered by Froala Editor
