ଦେଶରୁ ୧୦,୫୪୯ ଆକ୍ରାନ୍ତ ଚିହ୍ନଟ, ୪୮୮ ମୃତ
ନୂଆଦିଲ୍ଲୀ: ଦେଶର ପୁଣି କଡ ଲେଉଟାଇଲାଣି କୋରୋନା । ଗତ କାଲି ସଂକ୍ରମଣ ମାମଲା ୧୦ ହଜାର ତଳେ ଥିଲା ଆଜି ୧୦ ହଜାର ପାର ହୋଇଛି । ମୃତ୍ୟୁସଂଖ୍ୟା ବି ବଢିଛି । ଗତ ୨୪ ଘଣ୍ଟା ମଧ୍ୟରେ ଦେଶରୁ ୧୦ ହଜାର ୫୪୯ ନୂଆ ସଂକ୍ରମିତ ଚିହ୍ନଟ ହୋଇଥିବା ବେଳେ ୪୮୮ ଜଣଙ୍କ ଜୀବନ ନେଇଛି କିଲର ଭାଇରସ । ଗୋଟିଏ ଦିନରେ ଦେଶରୁ ମୋଟ ୯ ହଜାର ୮୬୮ କୋରୋନା ଆକ୍ରାନ୍ତ ସୁସ୍ଥ ହୋଇଛନ୍ତି।
କେନ୍ଦ୍ର ସ୍ବାସ୍ଥ୍ୟ ମନ୍ତ୍ରଣାଳୟର ତଥ୍ୟ ଅନୁଯାୟୀ ନୂତନ ଆକ୍ରାନ୍ତଙ୍କୁ ମିଶାଇ ଦେଶରେ ସମୁଦାୟ ସଂକ୍ରମିତଙ୍କ ସଂଖ୍ୟା ୩ କୋଟି ୪୫ ଲକ୍ଷ ୫୫ ହଜାର ୪୩୧ରେ ପହଞ୍ଚିଥିବାବେଳେ ମୃତ୍ୟୁ ସଂଖ୍ୟା ୪ ଲକ୍ଷ ୬୭ ହଜାର ୩୬୮ ରେ ପହଞ୍ଚିଛି । ଦେଶରେ ମୋଟ ୧ ଲକ୍ଷ ୧୦ ହଜାର ୧୩୩ ଟି ସକ୍ରିୟ ମାମଲା ରହିଛି ।
Powered by Froala Editor
