ନିକଟରେ ଉତ୍ତରପ୍ରଦେଶର ରାଜଧାନୀ ଲକ୍ଷ୍ନୌରେ ଜଣେ ଯୁବତୀ କ୍ୟାବ ଡ୍ରାଇଭରଙ୍କୁ ମାଡ଼ ମାରୁଥିବାର ଭିଡିଓ ଖୁବ ଭାଇରାଲ ହୋଇଥିଲା। ଏବେ ପୁଣି ଦେଶର ରାଜଧାନୀ ଦିଲ୍ଲୀରୁ ସମାନ ଚିତ୍ର ସାମ୍ନାକୁ ଆସିଛି । ଦିଲ୍ଲୀରେ ଜଣେ ଯୁବତୀ ସମ୍ପୃକ୍ତ ଡ୍ରାଇଭରଙ୍କୁ ପିଟିଥିବା ଜଣାପଡ଼ିଛି। ଏହାର ଭିଡିଓ ଏବେ ଭାଇରାଲ ହେବାରେ ଲାଗିଛି। ପଟେଲ ନଗରରେ ଏହି ଘଟଣା ଘଟିଛି। ଏହି ଭିଡିଓଟିକୁ ଆଦିତ୍ୟ ସିଂ ନାମକ ଜଣେ ଯୁବକ ତାଙ୍କ ଟ୍ୱିଟର ଆକାଉଣ୍ଟରେ ସେୟାର କରିଥିଲେ। ଭିଡିଓଟିକୁ ଏ ପର୍ଯ୍ୟନ୍ତ ୬୦୦୦ ଲୋକେ ଦେଖିଲେଣି।

ଭାଇରାଲ୍‌ ଭିଡିଓରେ ଜଣେ ଯୁବତୀ ଡ୍ରାଇଭରଙ୍କୁ ଚାପୁଡ଼ା, ଗୋଇଠା ମାରୁଥିବା ଦେଖିବାକୁ ମିଳିଛି। କିନ୍ତୁ ମାଡ଼ ଖାଉଥିବା ଡ୍ରାଇଭର ଅସହାୟ ହୋଇ ଛିଡ଼ା ହୋଇଥିବା ବେଳେ କିଛି ପଥଚାରୀ ପାଖକୁ ଆସି ଯୁବତୀଙ୍କୁ ଅଟକାଇବାକୁ ଚେଷ୍ଟା କରିଥିଲେ।

ସେତେବେଳେ କେହି ଜଣେ ଏହି ସମୟର ସମସ୍ତ ଦୃଶ୍ୟ ନିଜ ଫୋନ୍‌ରେ ରେକର୍ଡ କରିଥିଲେ । ଏହା ଦେଖିବା ପ‌ରେ ସମ୍ପୃକ୍ତ ଯୁବତୀ ଭିଡିଓ ରେକର୍ଡ କରୁଥିବା ବ୍ୟକ୍ତିଙ୍କୁ ଧମକ ଦେଇଥିବା ମଧ୍ୟ ଭିଡିଓରେ ସ୍ପଷ୍ଟ ଜଣାପଡ଼ିଛି। ଯୁବତୀ ଜଣଙ୍କ ଅନେକ ଲୋକଙ୍କ ଭିତରେ ଘେରି ହୋଇ ରହିଥିଲେ। ଏହି ସମୟରେ କିଛି ଲୋକ ବିଚ୍‌ ରାସ୍ତାରେ ହଙ୍ଗାମା ନକରିବାକୁ କହିଥିଲେ କିନ୍ତୁ କିଛି ସୁଫଳ ମିଳିନଥିଲା। ପରେ ସ୍ଥାନୀୟ ଳୋକେ ଯୁବକ ଜଣଙ୍କୁ ଯୁବତୀଙ୍କ କବଳରୁ ଉଦ୍ଧାର କରିଥିଲେ।

ଯାହାକୁ ନେଇ ସୋଶାଲ ମିଡି୍ରଆରେ ତୀବ୍ର ପ୍ରତିକ୍ରିୟା ପ୍ରକାଶ ପାଇଛି। ସମ୍ପୃକ୍ତ ଯୁବତୀଙ୍କ ବିରୋଧରେ ଦୃଢ଼ କାର୍ଯ୍ୟାନୁଷ୍ଠାନ ପାଇଁ ଲୋକେ ଟ୍ୱିଟ୍ କରି ଦାବି କରିଛନ୍ତି ।

Powered by Froala Editor