ଟିଭି ଅଭିନେତ୍ରୀ କାମ୍ୟା ପଞ୍ଜାବୀ କଂଗ୍ରେସରେ ଯୋଗ ଦେଇଛନ୍ତି। ମୁମ୍ବାଇର କଂଗ୍ରେସ ମୁଖ୍ୟ କାର୍ଯ୍ୟାଳୟରେ ସେ ବିଧିବଦ୍ଧ ଭାବେ ଦଳରେ ମିଶିଛନ୍ତି। ଏହି ଅବସରରେ ମୁମ୍ବାଇ କଂଗ୍ରେସ ସଭାପତି ଭୋ ଜଗତାପ, କାର୍ଯ୍ୟକାରୀ ସଭାପତି ଚରଣ ସିଂ ସାପ୍ରା ଏବଂ ଯୁବ ନେତା ସୁରଜ ସିଂ ଠାକୁର କାମ୍ୟାଙ୍କୁ ସ୍ୱାଗତ କରିଛନ୍ତି।

ପୂର୍ବରୁ ଏକ ସାକ୍ଷାତକାରରେ ରାଜନୀତିରେ ଏଣ୍ଟ୍ରି କରିବା ନେଇ କାମ୍ୟା କହିଥିଲେ। ସେ କହିଥିଲେ, 'ମୁଁ ମୋ ଦେଶ ପାଇଁ କାମ କରିବାକୁ ଚାହୁଁଛି। ମୁଁ ଦେଶ ସେବା କରିବାକୁ ଚାହୁଁଛି। ମୁଁ ଅନ୍ୟ କାର୍ଯ୍ୟ ସହିତ ମହିଳା ସଶକ୍ତିକରଣ ଉପରେ କାମ କରିବାକୁ ଚାହୁଁଛି। ଘରୋଇ ହିଂସାର ଶିକାର ହୋଇଥିବା ମହିଳାମାନଙ୍କୁ ମୁଁ ସାହାଯ୍ୟ କରିବାକୁ ଚାହୁଁଛି। ମୁଁ ମଧ୍ୟ କିଛି ବର୍ଷ ପୂର୍ବେ ଏହାର ଶିକାର ହୋଇଥିଲି। ରାଜନୀତିରେ ଯୋଗଦେବା ପଛରେ ମୋର ଏକ ବଡ଼ ଉଦ୍ଦେଶ୍ୟ ଅଛି। ମୁଁ ଚୌକି କିମ୍ବା ସତ୍ତାର ଭୋକିଲା ନୁହେଁ। ମୁଁ କେବଳ କାମ କରିବାକୁ ଚାହୁଁଛି' ବୋଲି ସେ କହିଥିଲେ।

ରାଜନୀତିରେ ଏଣ୍ଟ୍ରି କରିଥିଲେ ମଧ୍ୟ କାମ୍ୟା, ଅଭିନୟ ଛାଡିବେ ନାହିଁ ବୋଲି କହିଛନ୍ତି। ସେ କହିଛନ୍ତି, 'ଅଭିନୟ ହେଉଛି ତାଙ୍କର ପ୍ରଥମ ପ୍ରେମ, ମୁଁ ଏହାକୁ କେବେ ଛାଡି ପାରିବି ନାହିଁ। ଦୁଇଟି ଯାକ ଫିଲ୍ଡ ପାଇଁ ମୁଁ ସମୟ ଦେବି ବୋଲି ସେ କହିଛନ୍ତି।' କଂଗ୍ରେସରେ ଯୋଗ ଦେବା ପରେ କାମ୍ୟାଙ୍କ ଫଟୋ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି ।