ମୂର୍ତ୍ତି ବିସର୍ଜନ ପାଇଁ ଯାଉଥିଲେ, ପଛପଟୁ ମାଡିଗଲା କାର୍ : ୪ ମୃତ
ଛତିଶଗଡ଼ର ଜଶପୁର ଜିଲ୍ଲାର ପାଥଲ ଗାଁରେ କାର୍ ମାଡ଼ି ଯିବାରୁ ୪ ଜଣଙ୍କର ମୃତ୍ୟୁ ଘଟିଥିବା ବେଳେ ଅନ୍ୟ ୧୬ ଜଣ ଗୁରୁତର ଆହତ ହୋଇଛନ୍ତି। କାର୍ ପଛପଟୁ ଲୋକଙ୍କ ଉପରେ କେମିତି ମାଡ଼ି ଯାଉଛି, ତା’ର ଭିଡିଓ ମଧ୍ୟ ସାମ୍ନାକୁ ଆସିଛି। ପୋଲିସର ପ୍ରାରମ୍ଭିକ ତଦନ୍ତରେ ଉକ୍ତ କାରରେ ଗଂଜେଇ ଚୋରା କାରବାର ହେଉଥିବା ଜଣା ପଡିଥିଲା । କାର ମାଡିଯିବା ପରେ ଉତ୍ୟକ୍ତ ଲୋକ ଏହାର ପିଛା କରି ଧରିଥିଲେ । ସେମାନେ କାରକୁ ଜାଳିଦେବା ସହ ଡ୍ରାଇଭର ଏବଂ ଅନ୍ୟ ଜଣେ ବ୍ୟକ୍ତି ଖସି ପଳାଉଥିବା ବେଳେ ଧରି ପିଟିଥିଲେ । ତେବେ ପୋଲିସ ଘଟଣାସ୍ଥଳରେ ପହଂଚି ଅଭିଯୁକ୍ତଙ୍କୁ ବଂଚାଇଥିଲା ।
ସୂଚନା ଅନୁଯାୟୀ, ଲୋକମାନେ କୀର୍ତ୍ତନ କରି ବିସର୍ଜନ ପାଇଁ ଯାଉଥିଲେ। ଏହି ସମୟରେ ଗୋଟିଏ ଦ୍ରୁତଗାମୀ ନାଲି ରଙ୍ଗର କାର୍ ପଛପଟୁ ଆସି ସେମାନଙ୍କ ଉପରେ ମାଡ଼ି ଯାଇଥିଲା। ଘଟଣା ପରେ ସ୍ଥାନୀୟ ଅଞ୍ଚଳରେ ତୀବ୍ର ଉତ୍ତେଜନା ପ୍ରକାଶ ପାଇଛି। ଲୋକମାନେ ସ୍ଥାନୀୟ ଅଞ୍ଚଳର କିଛି ଗାଡ଼ିରେ ନିଆଁ ଲଗାଇ ଦେଇଛନ୍ତି। ଦୁର୍ଘଟଣା ଘଟାଇଥିବା କାର୍ର ଡ୍ରାଇଭରଙ୍କୁ ମାଡ଼ ମଧ୍ୟ ମାରିଛନ୍ତି। ସ୍ଥିତିକୁ ଦେଖି ସ୍ଥାନୀୟ ଅଞ୍ଚଳରେ ବ୍ୟାପକ ସୁରକ୍ଷା ବ୍ୟବସ୍ଥା କରାଯାଇଛି।
Powered by Froala Editor
