ଲଗାତାର ଭାବେ ଷଷ୍ଠ ଦିନରେ ପେଟ୍ରୋଲ ଓ ଡିଜେଲ୍ ଦାମ ବଢ଼ିଲା
ନୂଆଦିଲ୍ଲୀ: ତେଲଦର ପାଇଁ ମହଙ୍ଗା ହେଉଛି ସବୁକିଛି । ଲଗାତାର ଭାବେ ଆଜି ଷଷ୍ଠ ଦିନରେ ପେଟ୍ରୋଲ ଓ ଡିଜେଲ୍ ଦାମ ବଢ଼ାଇଛନ୍ତି ତୈଳ କମ୍ପାନୀ । ଡିଜେଲ୍ ଦର ଲିଟର ପିଛା ୩୫ ପଇସା ବଢ଼ିଥିବା ବେଳେ ପେଟ୍ରୋଲ ଦର ୩୦ ପଇସା ବୃଦ୍ଧି ପାଇଛି । ଦିଲ୍ଲୀରେ ପେଟ୍ରୋଲ ଲିଟର ପିଛା ୧୦୪.୧୪ ପଇସା ରହିଥିବା ବେଳେ ଡିଜେଲ୍ ଲିଟର ପିଛା ୯୨ ଟଙ୍କା ୮୨ ପଇସାରେ ବିକ୍ରି ହେଉଛି ।
ପ୍ରତିଦିନ ତୈଳଦର ବଢ଼ୁଥିବା ବେଳେ ଜନତାଙ୍କ ଉପରେ ବଡ଼ ବୋଝ ପଡ଼ୁଛି । ଯାହାକୁ ନେଇ କେନ୍ଦ୍ର ସରକାରଙ୍କ ଉପରେ ଖପ୍ପା ହେଲେଣି ଲୋକେ । ଦେଶର ବାଣିଜ୍ୟିକ ରାଜଧାନୀ ମୁମ୍ବାଇରେ ପେଟ୍ରୋଲ ଲିଟର ପିଛା ଦର ୧୧୦ ଟଙ୍କା ୧୨ ପଇସାକୁ ବୃଦ୍ଧି ପାଇଛି । ସେହିଭଳି ମୁମ୍ବାଇରେ ଡିଜେଲର ଦର ଲିଟର ପିଛା ୧୦୦ ଟଙ୍କା ୬୬ ପଇସା ରହିଛି ।
Powered by Froala Editor
