ୟୁଜିସି-ନେଟ୍ ପରୀକ୍ଷା ପୁଣି ସ୍ଥଗିତ
୨୦୨୦ ଡିସେମ୍ବରରେ ହେବାକୁ ଥିବା ୟୁଜିସି ନେଟ୍ କରୋନା ପାଇଁ ଗତବର୍ଷ ସ୍ଥଗିତ ରହିଥିଲା । ପୁଣି ସ୍ଥଗିତ ହୋଇଯାଇଛି ୟୁଜିସି ନେଟ୍ ପରୀକ୍ଷା । କରୋନାର ଦ୍ୱିତୀୟ ପ୍ରବାହ ପରେ ବଢ଼ୁଥିବା ସଂକ୍ରମଣ ମାମଲାକୁ ଦେଖି ୟୁଜିସି ନେଟ୍ ପରୀକ୍ଷାକୁ ସ୍ଥଗିତ ରଖାଯାଇଛି । ୟୁଜିସି ନେଟ୍ ପରୀକ୍ଷା କେବେ ହେବ ସେନେଇ ପରୀକ୍ଷାର ୧୫ ଦିନ ପୂର୍ବରୁ ନ୍ୟାସନାଲ୍ ଟେଷ୍ଟିଂ ଏଜେନ୍ସି (NTA) ସୂଚନା ଦେବ । ଏହାଛଡ଼ା ପରୀକ୍ଷା ତାରିଖ ଓ ଅନ୍ୟ ସୂଚନା ଲାଗି ଏନଟିଏ ୱେବସାଇଟ୍ ଭିଜିଟ୍ କରିବାକୁ କୁହାଯାଇଛି ।
ଏହା ପୂର୍ବରୁ ସିବିଏସଇ ଓ ଆଇସିଏସଇ (ICSE) ଦଶମ ପରୀକ୍ଷାକୁ ବାତିଲ୍ କରି ଦେଇଥିବା ବେଳେ ଦ୍ୱାଦଶ ପରୀକ୍ଷାକୁ ସ୍ଥଗିତ ରଖିଛନ୍ତି । NEET-PG ପରୀକ୍ଷାକୁ ମଧ୍ୟ ସ୍ଥଗିତ ରଖାଯାଇଛି । ସୂଚନା ଯେ, ଚଳିତ ମେ’ ୨ରୁ ୧୭ ମଧ୍ୟରେ ୟୁଜିସି ପରୀକ୍ଷା ହୋଇଥାନ୍ତା ।
Powered by Froala Editor
