ଏମିତି ଚୋର ଯିଏକି ହାତ ସଫେଇରେ ବେଶ୍ ମାହିର। ପୁଣି ଛୋଟ ମୋଟ ଚୋରି ନୁହେଁ ୧୦୦୦ କାର୍ ଚୋରେଇବାରେ ସଫଳ ହୋଇଛି ଏହି ଚୋର। ଦିଲ୍ଲୀ ପୁଲିସର ଆତଙ୍କବାଦ ନିରୋଧୀ ଦଳ (ଏଟିଏସ) ଏହି ଅପରାଧୀକୁ ଧରିଛନ୍ତି । ତାଙ୍କ ନାମ ଦୀପକ ରାଣା । ପୁଲିସ କହିଛି ଯେ, ଏହି ଅଭିଯୁକ୍ତ ମାତ୍ର ୩ରୁ ୫ ମିନିଟ ମଧ୍ୟରେ ଦୀପକ କାର ଚୋରି କରିନେଉଥିଲା । ତାହାର ଅନ୍ୟ ଜଣେ ସହଯୋଗୀ ମଣ୍ଟି ଓରଫ ଚାମ୍ପୁ କାରଗୁଡିକୁ ମିରଟ ଆଣୁଥିଲା । ସେଠାରେ ସେମାନ କାର ଲୁଚାଇ ରଖୁଥିଲେ । ତାହାପରେ ସୋଏବ ମଲିକ ନାମକ ଜଣେ ବ୍ୟକ୍ତିଙ୍କୁ କାର ହସ୍ତାନ୍ତର କରାଯାଉଥିଲା । ଜଣାଯାଇଛି ଯେ ଏଟିଏସର ଏକ ତାଲିମପ୍ରାପ୍ତ ଦଳ ରାଣା ଉପରେ ବୈଷୟିକ କୌଶଳ ବ୍ୟବହାର କରି ନଜର ରଖିଥିଲେ । ରାଣା କାର ଚୋରୀ କରି ମିରଟରେ ଲୁଚାଇ ରଖୁଥିବାର ସିସିଟିଭି ଫୁଟେଜ ମିଳିବା ପରେ ପୁଲିସ ତାକୁ ଗିରଫ କରିବାରେ ସଫଳ ହୋଇଥିଲା । ରାଣାର ଫଟୋକୁ ପୁଲିସ ସର୍ବସାଧାରଣରେ ଜାରି କରିବା ଦ୍ୱାରା ଜନସାଧାରଣ ତାକୁ ଚିହ୍ନିବା ସହଜ ହୋଇଯାଇଥିଲା । ଗିରଫ ହେବା ପରେ ରାଣା ନିକଟରୁ ୫ଟି କାର, ୨୨ଟି ନକଲି ଚାବି, ହାଇସିକ୍ୟୁରିଟି ନମ୍ବର ପ୍ଲେଟ, କାର ତାଲା ଏବଂ ଏୟାର ପମ୍ପ ଆଦି ଜବତ କରାଯାଇଛି । ରାଣାର ଆଉ ତିନିଜଣ ସହଯୋଗୀ ଆତ୍ମଗୋପନ କରିଛନ୍ତି । ସେମାନଙ୍କୁ ଗିରଫ କରିବାକୁ ପୁଲିସ ଖୋଜୁଛି ।  

Powered by Froala Editor