ମୋଦି, ମମତାଙ୍କ ଉପରେ ବର୍ଷଲେ ରାହୁଲ ।
ମୋଦି, ମମତାଙ୍କ ଉପରେ ବର୍ଷଲେ ରାହୁଲ ।
କୋଲକାତା: ପଶ୍ଚିମବଙ୍ଗରେ ବିଧାନସଭା ନିର୍ବାଚନର ୪ଟି ପର୍ଯ୍ୟାୟ ଭୋଟ ଗ୍ରହଣ ଶେଷ ହେବା ପରେ କଂଗ୍ରେସ ନେତା ରାହୁଲ ଗାନ୍ଧି ପ୍ରଥମ ଥର ପାଇଁ ନିର୍ବାଚନୀ ରାଲି କରିଛନ୍ତି । ଉତ୍ତର ଦିନାଜପୁରରେ ଆୟୋଜିତ ଏକ ରାଲିରେ ରାହୁଳ ତୃଣମୂଳ ସୁପି୍ରମୋ ମମତା ବାନାର୍ଜୀ ଏବଂ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ କଡା ସମାଲୋଚନା କରିଛନ୍ତି । ରାହୁଲ କହିଛନ୍ତି, ସମଗ୍ର ଭାରତ ବର୍ଷରେ ପଶ୍ଚିମବଙ୍ଗ ଏକମାତ୍ର ରାଜ୍ୟ ଯେଉଁଠି ଚାକିରି କରିବା ପାଇଁ ଲାଞ୍ଚ ଦେବାକୁ ପଡେ । ମମତାଙ୍କ ପାଇଁ ନିର୍ବାଚନ କେବଳ ରାଜନୈତିକ ଲଢେ଼ଇ ଏବଂ ଏହି ଦଳର କିଛି ଆଦର୍ଶ ନାହିଁ ବୋଲି ରାହୁଲ କହିଛନ୍ତି । ମମତା ବାନାର୍ଜୀ ରାଜ୍ୟର ଗଣତନ୍ତ୍ରକୁ ବିପନ୍ନ କରିଦେଇଛନ୍ତି ଏବଂ ଦେଶରେ ମଧ୍ୟ ସମାନ ଅବସ୍ଥା ବୋଲି ରାହୁଲ କହିଛନ୍ତି ।
