ଜିନ୍ସ ପିନ୍ଧୁଥିଲେ ରାଜନୀତି କରିପାରିବେନି ଏହି ଦଳରେ
ପାଟନା: ‘ଜିନ୍ସ ପିନ୍ଧୁଥିବା ଲୋକ ରାଷ୍ଟ୍ରୀୟ ଜନତା ଦଳ (ଆରଜେଡି) ରେ ରହି ରାଜନୀତି କରିପାରିବେନି । ଆରଜେଡି ଗରିବମାନଙ୍କର ଦଳ । ପରିଶ୍ରମୀ ଚାଷୀମାନଙ୍କର ଦଳ । ଜିନ୍ସ ପିନ୍ଧୁଥିବା ଲୋକ କେବେ ନେତା ହୋଇପାରିବେନି ।’ ବିହାର ଆରଜେଡି ପ୍ରଦେଶ ଅଧ୍ୟକ୍ଷ ଜଗଦାନନ୍ଦ ସିଂହ ଏକ କାର୍ଯ୍ୟକ୍ରମରେ ଏଭଳି ବିବାଦୀୟ ବୟାନ ଦେଇଛନ୍ତି । ଜାତୀୟ ଜନଗଣନାରେ କେତେକ ସଂଶୋଧନ କରିବା ନେଇ ଦାବି ଉପସ୍ଥାପନ କରିବା ସମୟରେ ସେ ଏହା କହିଛନ୍ତି । ସେ ଆହୁରି ମଧ୍ୟ କହିଛନ୍ତି ଯେ, ଆରଜେଡିର ଯେଉଁ ନେତାମାନେ ଧାରଣାରେ ବସି ପ୍ରତିବାଦ କରୁନାହାନ୍ତି ସେମାନେ ବୋଧେ ଆରଏସଏସର କାର୍ଯ୍ୟକର୍ତ୍ତା । ଭୁଲରେ ଆମ ଦଳରେ ସାମିଲ ହୋଇଛନ୍ତି । ଧାରଣାରେ ବସି ପ୍ରତିପାଦ ନ କରିବ ତେବେ ରାଜନୀତି କାହିଁକି କରୁଛ? ରାଜନୀତି କରିବାର ଅଛି ଯଦି ଧାରଣାରେ ବସି ଆନେ୍ଦାଳନ କର । ତାଙ୍କର ଏହି ବୟାନକୁ ନେଇ ବିରୋଧୀମାନେ ତାଙ୍କୁ ଘେରିଛନ୍ତି । ସୂଚନା ଥାଉ କି, ଜାତିଭିତିକ ଜନଗଣନା କରିବାକୁ ଆରଜେଡ଼ି କେନ୍ଦ୍ର ସରକାରଙ୍କ ନିକଟରେ ଦାବି କରି ଆସୁଛି ।
Powered by Froala Editor
