ପ୍ରଧାନମନ୍ତ୍ରୀଙ୍କୁ ଦେଖା କରିବାକୁ ଚାହୁଁଛିି: ନୀତୀଶ
ପାଟନା: ପ୍ରଧାନମନ୍ତ୍ରୀଙ୍କୁ ଭେଟିବା ପାଇଁ ଦୀର୍ଘ ଦିନ ହେଲା ସମୟ ମାଗି ଅପେକ୍ଷା କରିଛି, କିନ୍ତୁ କୌଣସି ଜବାବ ମିଳୁନାହିଁ । ଏଭଳି କହିଛନ୍ତି ବିହାର ମୁଖ୍ୟମନ୍ତ୍ରୀ ନୀତୀଶ କୁମାର । ପୂର୍ବରୁ ମଧ୍ୟ ପ୍ରଧାନମନ୍ତ୍ରୀ ତାଙ୍କୁ ଦେଖା ନ ଦେଇ ସ୍ୱରାଷ୍ଟ୍ରମନ୍ତ୍ରୀଙ୍କ ଭେଟିବାକୁ କହିଥିଲେ ବୋଲି ନୀତୀଶ କ୍ଷୋଭର ସହ କହିଛନ୍ତି । ସେ ରାଜ୍ୟରେ ଜାତିଭିତ୍ତିକ ଜନଗଣନା ପାଇଁ ଦାବି କରିଆସୁଛନ୍ତି । ଏହା ସବୁ ଜାତି ଓ ବର୍ଗଙ୍କ ସ୍ୱାର୍ଥରକ୍ଷା କରିବ ଏବଂ ସମାଜରେ କୌଣସି ବିଭ୍ରାଟ ସୃଷ୍ଟି କରିବ ନାହିଁ, ବରଂ ସମସ୍ତେ ଉପକୃତ ହେବେ । ସମସ୍ତେ ସୁଖରେ ରହିବା ପାଇଁ ତାଙ୍କ ସରକାର ଏଭଳି ଦାବି କରିଆସୁଛନ୍ତି; କିନ୍ତୁ କେନ୍ଦ୍ର ସରକାର ଏହା ଉପରେ କୌଣସି ପଦକ୍ଷେପ ଗ୍ରହଣ କରୁନାହାନ୍ତି । ବି୍ରଟିଶ ଶାସନ କାଳରେ ମଧ୍ୟ ଭାରତରେ ଜାତିଭିତ୍ତିକ ଜନଗଣନା କରାଯାଇଥିଲା ବୋଲି ନୀତୀଶ ଦର୍ଶାଇଛନ୍ତି ।
Powered by Froala Editor
