ମହାରାଷ୍ଟ୍ରରେ ସମ୍ପୂର୍ଣ୍ଣ ୨ ସପ୍ତାହ ଲକଡାଉନ
ମୁମ୍ବାଇ: ସମଗ୍ର ମହାରାଷ୍ଟ୍ରରେ କରୋନା ସଂକ୍ରମଣ ବିସ୍ଫୋରକ ରୂପ ନେଇଥିବାରୁ ଦିନେ ଦୁଇଦିନ ଭିତରେ ସମ୍ପୂର୍ଣ୍ଣ ଲକଡାଉନ ସଂକ୍ରାନ୍ତ ଘୋଷଣା କରାଯିବ ବୋଲି ମୁଖ୍ୟମନ୍ତ୍ରୀ ଉଦ୍ଧବ ଠାକରେ କହିଛନ୍ତି । କୋଭିଡ ଟାସ୍କ ଫୋର୍ସ ବୈଠକରେ ଅଧିକାଂଶ ସଦସ୍ୟ । ୧୪ ଦିନ ଲକଡାଉନ କରିବା ପାଇଁ କହିଥିଲେ । ସଂକ୍ରମଣ ଚେନକୁ ଭାଙ୍ଗିବା ପାଇଁ ସମ୍ପୂର୍ଣ୍ଣ ଲକଡାଉନ ଜରୁରୀ ବୋଲି ଟାସ୍କଫୋର୍ସ ବିଶେଷଜ୍ଞମାନେ କହିଛନ୍ତି । ବୈଠକ ପରେ ମୁଖ୍ୟମନ୍ତ୍ରୀ କହିଛନ୍ତି ସରକାର ଏ ବାବଦରେ ଖୁବଶୀଘ୍ର ପଦକ୍ଷେପ ଗ୍ରହଣ କରିବେ । ରାଜ୍ୟରେ ଦୁର୍ବଳ ସ୍ୱାସ୍ଥ୍ୟ ଭିତ୍ତିଭୂମି ଯୋଗୁଁ ଏବେ ସମସ୍ୟା ଉପୁଜୁଛି ଏବଂ ହସ୍ପିଟାଲ ଗୁଡିକରେ ଆବଶ୍ୟକ ମୁତାବକ ଶଯ୍ୟା ଉପଲବ୍ଧ ନାହିଁ । ଅକ୍ସିଜେନ ଯୋଗାଣ ଅଭାବ ମଧ୍ୟ ସମସ୍ୟା ବଢ଼ାଇଲାଣି । ରାଜ୍ୟରେ ବିଗତ ୨୪ ଘଣ୍ଟାରେ ପ୍ରାୟ ୬୩ ହଜାରରୁ ଅଧିକ ମାମଲା ରିପୋର୍ଟ ହୋଇଥିବା ବେଳେ ୩୪୯ ଜଣ ରୋଗୀଙ୍କ ମୃତୁ୍ୟ ହୋଇଛି ।
