ଭାଷାକୁ ଲେଖାରେ ରୂପାନ୍ତର କରୁଛି ଏଆଇ ଡିଭାଇସ୍
ହାତଲେଖାରୁ ଟାଇପ ରାଇଟିଂରେ ପରିଣତ କରାଯାଇପାରୁଥିଲା । କିନ୍ତୁ ଏବେ କେରଳର ଜଣେ ଇଲେକ୍ଟ୍ରୋନିକ୍ସ ଓ କମ୍ୟୁନିକେସନ୍ସ ସ୍ନାତକ ବିଦ୍ୟାର୍ଥୀ ଅଜୟ ଏକ ଏଆଇ ଉପକରଣ ପ୍ରସ୍ତୁତ କରିଛନ୍ତି, ଯାହା ଭାଷାକୁ ହାତଲେଖା ନୋଟ୍ରେ ରୂପାନ୍ତରିତ କରିବ । ଏହି ମେସିନ୍ ବର୍ଣ୍ଣିତ କଥାକୁ ଏ-୪ କାଗଜରେ ଧାଡ଼ି-ଧାଡ଼ି କରି ଲେଖିବ । ସରଳ ଓ ସୁବିଧା ପାଇଁ ଶବ୍ଦ ଓ ସ୍ୱୟଂଚାଳନ କିଭଳି ମିଳିତ ଭାବେ କାମ କରିପାରନ୍ତି ଏହି ଏଆଇ ମେସିନ୍ ତାହା ଦର୍ଶାଇଛି ।
ଏଣ୍ଟେ କେରଳମ୍ ଏକ୍ସପୋ-୨୦୨୫ରେ ଅଜୟ ଏହି ଉପକରଣର ଉନ୍ମୋଚନ କରିଛନ୍ତି । ସେ ଏଚ୍ ଲିଙ୍କଡ୍ଇନ୍ରେ ଏକ ପୋଷ୍ଟ୍ରେ ଲେଖିଛନ୍ତି, ଅଲପ୍ପୁଝାରେ ଆୟୋଜିତ ରାଜ୍ୟ ସରକାରଙ୍କର ପ୍ରମୁଖ କାର୍ଯ୍ୟକ୍ରମରେ ନିଜ ଟିମ୍ର ପ୍ରୋଜେକ୍ଟ ‘ଟକ୍ ଟୁ ରାଇଟ୍’କୁ ପ୍ରତିନିଧିତ୍ୱ କରିବାର ସୁଯୋଗ ପାଇଲେ । ପୋଷ୍ଟ୍ରେ ଶେୟାର ହୋଇଥିବା ଏକ ଭିଡିଓରେ ଅଜୟ ଏକ ମାଇକ୍ରେ କହୁଛନ୍ତି ‘ଡିପାର୍ଟମେଣ୍ଟ୍ ଅଫ୍ ଇଲେକ୍ଟ୍ରୋନିକ୍ସ’ । ମେସିନ୍ ଏହାକୁ ସ୍ପଷ୍ଟ ଭାବେ ଏକ କାଗଜରେ ଲେଖୁଛି ।
ଟକ୍ ଟୁ ରାଇଟ୍ ଏକ ଏଆଇ-ପରିଚାଳିତ ଶବ୍ଦରୁ-ଲିଖନ ପ୍ରଣାଳୀ, ଯାହା ଏକ ସିଏନ୍ସି ପେନ୍ ପ୍ଲଟର୍ ପ୍ରୟୋଗ କରି ଭାଷାକୁ ହାତଲେଖା ନୋଟ୍ରେ ରୂପାନ୍ତର କରେ । ରାସ୍ପବେରି ପାଇ, ଆର୍ଦୁଇନୋ (ଜିଆର୍ବିଏଲ୍) ଓ ପାଇଥନ୍ର ଉପଯୋଗ ମାଧ୍ୟମରେ ବିକଶିତ ଏହି ପ୍ରୋଜେକ୍ଟର ଉଦ୍ଦେଶ୍ୟ-ଡିଜିଟାଲ୍ ଲେଖକ ଭଳି କାମ କରି ଭିନ୍ନକ୍ଷମ ବ୍ୟକ୍ତିଙ୍କୁ ସହଯୋଗ କରିବା ।
ଏଆଇର ସଂଯୋଗ ଦ୍ୱାରା ସୁଲଭ ଓ ସମାବେଶୀ ଟେକ୍ନୋଲୋଜିର ନିର୍ମାଣ କିଭଳି ହୋଇପାରିବ, ତାହା ଉପସ୍ଥାପନ କରିବା ପାଇଁ ଏହି ପ୍ଲାଟ୍ଫର୍ମ ସୁଯୋଗ ଦେଇଥିବା ଅଜୟ କହିଛନ୍ତି ।
Powered by Froala Editor
