କରୋନା ବଦଳାଇ ଦେଇଛି ସବୁକିଛି । ପିଲାମାନେ ଅନ୍‌ଲାଇନରେ ପଢୁଛନ୍ତି । ଅଫିସ କାମ ବି ଘରୁ ଚାଲୁଛି । ଏପରିସ୍ଥିତିରେ ଅଲିମ୍ପିକ୍ସ ନିୟମ ମଧ୍ୟ ବଦଳିଯାଇଛି । ବିଭିନ୍ନ ଇଭେଣ୍ଟରେ କୃତିତ୍ୱ ହାସଲ କରୁଥିବା ଆଥଲେଟ୍‌ମାନଙ୍କୁ ଅଲିମ୍ପିକ୍ସ ପଦକ ପ୍ରଦାନ ଉତ୍ସବରେ ଜଣେ ମାନ୍ୟଗଣ୍ୟ ବ୍ୟକ୍ତି ପଦକ ପିନ୍ଧାଇବାର ପରମ୍ପରା ରହିଆସିଛି । କିନ୍ତୁ ଚଳିତ ଥର ଆଥଲେଟମାନେ ନିଜେ ପଦକ ପିନ୍ଧିବେ । କରୋନା ସଂକ୍ରମଣକୁ ଦୃଷ୍ଟିରେ ରଖି ଏପରି ନିଷ୍ପତ୍ତି ନିଆଯାଇଛି । 

୩୩୯ଟି ଇଭେଣ୍ଟରେ ଆଥ୍‌ଲେଟମାନେ ନିଜ ଗଳାରେ ନିଜେ ପଦକ ପିନ୍ଧାଇବେ ବୋଲି ଅନ୍ତର୍ଜାତୀୟ ଅଲିମ୍ପିକ କମିଟି (ଆଇଓସି) ଅଧ୍ୟକ୍ଷ ଥୋମାସ ବାକ୍‌ କହିଛନ୍ତି। ଏଥିସହ ମେଡାଲ ସେରିମନିରେ ହାତ ମିଳାଇବା ଓ ଆଲିଙ୍ଗନ କରିବାକୁ ମଧ୍ୟ ବାରଣ କରାଯାଇଛି। ଏଥର ଆଥ୍‌ଲେଟମାନଙ୍କୁ କେହି ପଦକ ପିନ୍ଧାଇବେ ନାହିଁ ବୋଲି ବାକ ଖବରଦାତା ସମ୍ମିଳନୀରେ କହିଛନ୍ତି।

ଆଥଲେଟମାନଙ୍କୁ ଏକ ଟ୍ରେ'ରେ ପଦକ ପ୍ରଦାନ କରାଯିବ। ଆଥଲେଟମାନେ ନିଜେ ଟ୍ରେ'ରୁ ପଦକ ଉଠାଇ ନିଜେ ପିନ୍ଧିବେ। ଟ୍ରେ'ରେ ପଦକ ପ୍ରଦାନ କରିବାକୁ ଥିବ ବ୍ୟକ୍ତି ମଧ୍ୟ ଡିସ୍‌ଇନ୍‌ଫେକ୍‌ଟେଡ ଗ୍ଲୋଭ୍ସ ପିନ୍ଧିବେ। ଯାହାଫଳରେ ତାଙ୍କୁ କେହି ଛୁଇଁ ନ ଥିବା ନେଇ ଆଥଲେଟମାନେ ନିଶ୍ଚିତ ହେବେ ବୋଲି ବାକ୍‌ କହିଛନ୍ତି।

Powered by Froala Editor