ଓଡ଼ିଶାରେ ଆତଙ୍କବାଦୀ !
ଭୁବନେଶ୍ୱର : ଓଡ଼ିଶାକୁ ପଶି ଆସିଛନ୍ତି ଆତଙ୍କବାଦୀ । ଏଭଳି ଖବର ପ୍ରକାଶ ପାଇବା ପରେ ପୁଲିସ ଏବେ ତନାଘନା ଆରମ୍ଭ କରିଦେଇଛି ।
ଗଣମାଧ୍ୟମରେ ପ୍ରକାଶିତ ରିପୋର୍ଟ ଅନୁଯାୟୀ, ବାଂଲାଦେଶରେ ନିଷିଦ୍ଧ ଆତଙ୍କବାଦୀ ସଂଗଠନ ଜମାତ-ଉଲ-ମୁଜାହିଦ୍ଧିନର କେତେକ ସଦସ୍ୟ ଓଡ଼ିଶାକୁ ଚାଲି ଆସିଛନ୍ତି । କୋଲକାତା ପୁଲିସ ୩ ଆତଙ୍କବାଦୀଙ୍କୁ ଗିରଫ କରିବା ପରେ ସେମାନଙ୍କ ସହଯୋଗୀ ଭୟରେ ଓଡ଼ିଶାକୁ ଚାଲି ଆସିଥିବା କୁହାଯାଉଛି । ଅପରପକ୍ଷରେ କୋଲକାତା ପୁଲିସ ସହ ଓଡ଼ିଶା ପୁଲିସ ଏନେଇ ଆଲୋଚନା କରିଥିବା ଜାଣିବାକୁ ମିଳିଛି ।
ବାଂଲାଦେଶରୁ ୧୫ ଆତଙ୍କବାଦୀ ଆସିଥିବାବେଳେ କୋଲକାତାରେ ୫ ଜଣ ଥିଲେ । ସେହିପରି ଅନ୍ୟ ୧୦ ଜଣ ଓଡ଼ିଶା, ବିହାର ଓ ଜାମ୍ମୁକାଶ୍ମୀରରେ ଥିବା କୁହାଯାଉଛି । ୨୦୧୦ ପୁଣେ ବୋମା ବିସ୍ଫୋରଣ ମାମଲାରେ ବି ଏମାନଙ୍କର ସଂପୃକ୍ତି ରହିଛି । ଅପରପକ୍ଷରେ ଓଡ଼ିଶାର ଏସଟିଏଫ ଏଥିପ୍ରତି ସ୍ୱତନ୍ତ୍ର ନିଘା ରଖିଛି ।
Powered by Froala Editor
