ଅଙ୍କ ଶାସ୍ତ୍ର ଅନୁଯାୟୀ ଅଙ୍କର ଆଧାରରେ ବ୍ୟକ୍ତି ବିଶେଷଙ୍କ ଜୀବନରେ ଅତୀତ, ଭବିଷ୍ୟତ ଓ ଜୀବନର ଅନେକ ରହସ୍ୟ ବିଷୟରେ ଜାଣି ହୋଇଥାଏ । ଜନ୍ମ ତାରିଖ ଅନୁଯାୟୀ ବ୍ୟକ୍ତି ବିଶେଷଙ୍କ ଉପରେ ଗ୍ରହ ନକ୍ଷତ୍ରଙ୍କ ପ୍ରଭାବ ରହିଥାଏ । ଏହାଦ୍ୱାରା ସେମାନେ ଧନୀ ହେବା ସହ ଜୀବନରେ ସଫଳତା ମଧ୍ୟ ହାସଲ କରି ଥାନ୍ତି । ଜନ୍ମ ତାରିଖ ୧, ୧୦, ୧୯ ଓ ୨୮କୁ ଯୋଡିବା ଦ୍ୱାରା ୧ ହୋଇଥାଏ । ଅର୍ଥାତ୍‌ ଏହି ତାରିଖରେ ଜନ୍ମିତ ବ୍ୟକ୍ତି ବିଶେଷଙ୍କ ମୂଲ୍ୟାଙ୍କ ୧ ହେବ ।

ମୂଲ୍ୟାଙ୍କ ୮ର ସ୍ୱାମୀ ଗ୍ରହ ଶନି ଦେବତା । ଫଳରେ ମୂଲ୍ୟାଙ୍କ ୮ର ବ୍ୟକ୍ତି ବିଶେଷଙ୍କ ଉପରେ ଶନିଙ୍କ ବିଶେଷ କୃପା ରହିଥାଏ । ଶନି ଏମାନଙ୍କୁ କୋଟିପତି କରାଇଥାନ୍ତି ।

ଯେକୌଣସି ମାସର ୮, ୧୭ କିମ୍ବା ୨୬ ତାରିଖରେ ଜନ୍ମ ବ୍ୟକ୍ତି ବିଶେଷଙ୍କ ମୂଲ୍ୟାଙ୍କ ୮ । ଶନିଙ୍କ କୃପାରୁ ଏମାନେ କେବଳ ଧନୀ ହୁଅନ୍ତି ନାହିଁ ବରଂ ମାନ-ସମ୍ମାନ ମଧ୍ୟ ବୃଦ୍ଧି ହୋଇଥାଏ ।

ଶନି ସର୍ବଦା ପରିଶ୍ରମ,କର୍ମ ଅନୁଯାୟୀ ଫଳ ପ୍ରଦାନ କରି ଥାନ୍ତି । ଯେଉଁମାନଙ୍କ ମୂଲ୍ୟାଙ୍କ ୮ ସେମାନଙ୍କ ଜୀବନରେ ପ୍ରଥମେ ସଂଘର୍ଷ ଆସିଥାଏ । ସମସ୍ୟା ଆସିଥାଏ । ମାତ୍ର ପରିଶ୍ରମ ଦ୍ୱାରା ଏମାନେ ଉଚ୍ଚ ସଫଳତା ହାସଲ କରି ଥାନ୍ତି । ଗୋଟିଏ ପରେ ଗୋଟିଏ କାର୍ଯ୍ୟରେ ଶୁଭଫଳ ମିଳିଥାଏ ।

ତେବେ ଯେଉଁମାନଙ୍କ ମୂଲ୍ୟାଙ୍କ ୮ ସେମାନେ ୪୦ ବର୍ଷ ବୟସ ପରେ ବଡ ସଫଳତା ହାସଲ କରନ୍ତି । ଆର୍ଥିକ ସ୍ଥିତି ହଠାତ୍‌ ବଦଳି ଧନୀ ହୋଇଥାନ୍ତି । ଖୁବ୍‌ ଧନ ରୋଜଗାର କରିବା ସହ କୋଟିପତି ହୋଇଥାନ୍ତି ।

ଏମାନେ ବ୍ୟବସାୟ ଓ ଚାକିରିରେ ଖୁବ୍‌ ସଫଳତା ହାସଲ କରି ଥାନ୍ତି । ଏମାନଙ୍କର ଅଧିକାଂଶ କାମ ଶୁକ୍ରବାର ଓ ଶନିବାର ସଫଳ ହୋଇଥାଏ । ସନ୍ଧ୍ୟା ସମୟ ଏମାନଙ୍କ ପାଇଁ ଅଧିକ ଶୁଭଙ୍କର ।

Powered by Froala Editor