ଆମଦାନୀ, ରପ୍ତାନୀ ବନ୍ଦ ପରେ ଡାକସେବା ବନ୍ଦ
ପାକିସ୍ତାନକୁ ଭାରତ ଦେଉଛି ଝଟକା। ପ୍ରଥମେ ଭାରତ ପାକିସ୍ତାନ ସହ କୌଣସି ପ୍ରକାର ଆମଦାନୀ- ରପ୍ତାନୀ କରିବ ନାହିଁ ବୋଲି ନିଷ୍ପତ୍ତି ନେଇଥିଲା। ତା ପରେ ଭାରତକୁ ପାକିସ୍ତାନର ପତାକା ଲାଗିଥିବା କୌଣସି ଜାହାଜ ପ୍ରବେଶ କରିପାରିବ ନାହିଁ ବୋଲି ନିଷ୍ପତ୍ତି ନେଇଥିଲା। । ଆଉ ଏବେ ଭାରତ ପାକିସ୍ତାନରୁ ଡାକ ସେବାକୁ ବନ୍ଦ କରିଦେଇଛି।
ପୂର୍ବରୁ, ୨୦୧୯ ପୁଲୱାମା ଆକ୍ରମଣ ଏବଂ ୧୯୭୧ ଯୁଦ୍ଧ ସମୟରେ ମଧ୍ୟ ସମାନ ଭାବରେ ଡାକ ସେବା ବନ୍ଦ କରାଯାଇଥିଲା। ଏବେ ଭାରତ ଏବଂ ପାକିସ୍ତାନ ମଧ୍ୟରେ ଚିଠି, ପାର୍ସଲ ଏବଂ ଡକ୍ୟୁମେଣ୍ଟ ଆଦାନପ୍ରଦାନ ସମ୍ପୂର୍ଣ୍ଣ ବନ୍ଦ ହୋଇଯାଇଛି। ଏହି ପଦକ୍ଷେପ ପାକିସ୍ତାନର ଛୋଟ ବ୍ୟବସାୟୀ, ଇ-କମର୍ସ ଏବଂ ସାଧାରଣ ନାଗରିକଙ୍କ ପାଇଁ ଏକ ବଡ଼ ଆଘାତ ହେବ।
ପହଲଗାମ ଆତଙ୍କବାଦୀ ଆକ୍ରମଣ ପରେ ପାକିସ୍ତାନ ବିରୁଦ୍ଧରେ ତୃତୀୟ ଆକ୍ରମଣରେ, ଭାରତ ସରକାର ଡାକ ସେବାକୁ ସମ୍ପୂର୍ଣ୍ଣ ବନ୍ଦ କରିବାକୁ ଘୋଷଣା କରିଛନ୍ତି। ଏହି ଆଦେଶ ବାଣିଜ୍ୟ ମନ୍ତ୍ରଣାଳୟ ଏବଂ ବୈଦେଶିକ ମନ୍ତ୍ରଣାଳୟର ମିଳିତ ବିଜ୍ଞପ୍ତି ଅନୁଯାୟୀ କାର୍ଯ୍ୟକାରୀ କରାଯିବ।
Powered by Froala Editor
