ଦକ୍ଷିଣ ଭାରତୀୟ ଚଳଚ୍ଚିତ୍ରର ସୁପରଷ୍ଟାର ଏବଂ ତମିଝଗା ଭେତ୍ରି କଞ୍ଜଗମର ଅଧ୍ୟକ୍ଷ ବିଜୟ ଥଲପତି ବିବାଦରେ ଫସି ଯାଇଛନ୍ତି। ଅଖିଳ ଭାରତୀୟ ମୁସଲିମ ଜମାତ ବିଜୟଙ୍କ ବିରୋଧରେ ଏକ ଫତୱା ଜାରି କରିଛି । ମୁସଲମାନମାନଙ୍କୁ ତାଙ୍କ ସହିତ ଛିଡା ନ ହେବାକୁ ଅନୁରୋଧ କରିଛି। AIMJ ସଭାପତି ମୌଲାନା ମୁଫତି ଶାହାବୁଦ୍ଦିନ ରଜବି ବରେଲଭି କହିଛନ୍ତି ଯେ ବିଜୟ ମୁସଲମାନମାନଙ୍କ ଛବିକୁ ଖରାପ କରିଛନ୍ତି। ଯେଉଁ କାରଣରୁ ତାଙ୍କ ବିରୋଧରେ ୱାରେଣ୍ଟ ଜାରି କରାଯାଇଛି।

ଅଖିଳ ଭାରତୀୟ ମୁସଲିମ ଜମାତର ସଭାପତି ମୌଲାନା ମୁଫତି ଶାହାବୁଦ୍ଦିନ ରଜଭି ବରେଲଭି କହିଛନ୍ତି ଯେ,‘ ବିଜୟ ତାଙ୍କ ଇଫତାର ପାର୍ଟିକୁ ଜୁଆଡ଼ି ଏବଂ ମଦ୍ୟପାନ କରୁଥିବା ଲୋକଙ୍କୁ ନିମନ୍ତ୍ରଣ କରିଥିଲେ। ଏହା ମୁସଲମାନମାନଙ୍କ ପ୍ରତିଛବିକୁ ଖରାପ କରିଥିଲା। ଏହି କାରଣରୁ ତାଙ୍କ ବିରୋଧରେ ଏକ ଫତୱା ଜାରି କରାଯାଇ କୁହାଯାଇଛି, ‘‘ମୁସଲମାନଙ୍କୁ ବିଜୟଙ୍କ ସହିତ ଛିଡ଼ା ହେବା ଉଚିତ ନୁହେଁ।’’

ସେ ଏକ ରାଜନୈତିକ ଦଳ ଗଠନ କରିଛନ୍ତି ଏବଂ ମୁସଲମାନମାନଙ୍କ ସହିତ ସୌହାର୍ଦ୍ଦ୍ୟପୂର୍ଣ୍ଣ ସମ୍ପର୍କ ବଜାୟ ରଖିଛନ୍ତି। ତଥାପି ସେ ତାଙ୍କ ଚଳଚ୍ଚିତ୍ରଗୁଡ଼ିକରେ ମୁସଲମାନମାନଙ୍କୁ ଆତଙ୍କବାଦୀ ଭାବରେ ନକାରାତ୍ମକ ଭାବରେ ଚିତ୍ରଣ କରୁଛନ୍ତି। ଏହା ଆଦୌ ଗ୍ରହଣୀୟ ନୁହେଁ।’ବୁଧବାର ଦିନ ଅଖିଳ ଭାରତୀୟ ମୁସଲିମ ଜମାତ ଅଭିନେତାଙ୍କ ବିରୋଧରେ ଏକ ୱାରେଣ୍ଟ ଜାରି କରିଛି। 

Powered by Froala Editor