ପାରୋଲରେ ମୁକୁଳିଲେ ରାମ ରହିମ
ନୂଆଦିଲ୍ଲୀ: ଦୁଷ୍କର୍ମ ଓ ହତ୍ୟା ମାମଲାରେ ଦୋଷୀ ସାବ୍ୟସ୍ତ ହୋଇ ଜେଲ୍ ଦଣ୍ଡ ଭୋଗୁଥିବା ଡେରା ସଚ୍ଚା ସୌଦା ମୁଖ୍ୟ ଗୁରମୀତ ରାମ ରହିମ ପୁଣି ଥରେ ପାରୋଲ୍ରେ ମୁକୁଳିଛନ୍ତି। ସୁନାରିଆ ଜେଲ୍ରୁ ସେ ୧୩ତମ ଥର ପାଇଁ ପାରୋଲରେ ମୁକୁଳି ସିର୍ସାରେ ପହଞ୍ଚିଛନ୍ତି। ଏଥର ତାଙ୍କୁ ୨୧ ଦିନିଆ ପାରୋଲ ମିଳିଛି। ଏହି ସମୟ ଅବଧି ମଧ୍ୟରେ ସେ ସିର୍ସାସ୍ଥିତ ଡେରା ସଚ୍ଚା ସୌଦା ପରିସରରେ ରହିବେ। ଏହି ସମୟ ମଧ୍ୟରେ ଡେରା ମୁଖ୍ୟ ବିଭିନ୍ନ ଧାର୍ମିକ ତଥା ସେବାମୂଳକ କାର୍ଯ୍ୟକ୍ରମରେ ଅଂଶଗ୍ରହଣ କରିବେ। କିନ୍ତୁ ଏପ୍ରିଲ ୨୯ ଡେରା ପ୍ରତିଷ୍ଠା ଦିବସକୁ ନେଇ ପ୍ରଶାସନ ଚିନ୍ତିତ।
ଏପ୍ରିଲ ୨୯ରେ ଡେରା ସଚ୍ଚା ସୌଦାର ୭୭ତମ ପ୍ରତିଷ୍ଠା ଦିବସ। ଏଥିପାଇଁ ଦେଶ ବିଦେଶରୁ ଲକ୍ଷ ଲକ୍ଷ ଅନୁଗାମୀଙ୍କ ଆଗମନର ସମ୍ଭାବନା ରହିଛି। ଡେରା ମୁଖ୍ୟ ସାମାଜିକ ଗଣମାଧ୍ୟମରେ ୪୦ ସେକେଣ୍ଡର ଏକ ଭିଡିଓ ବାର୍ତ୍ତା ଜାରି କରି ଡେରାକୁ ନ ଆସିବାକୁ ଅନୁଗାମୀମାନଙ୍କୁ ନିବେଦନ କରିଥିଲେ ମଧ୍ୟ ପୂର୍ବ ଅଭିଜ୍ଞତାକୁ ଦୃଷ୍ଟିରେ ରଖି ପ୍ରଶାସନର ଚିନ୍ତା ବଢିଯାଇଛି।
Powered by Froala Editor
