ଡକ୍ଟର ପୁନମ୍ ଗୁପ୍ତାଙ୍କୁ ରିଜର୍ଭ ବ୍ୟାଙ୍କ ଅଫ୍ ଇଣ୍ଡିଆର ଡେପୁଟି ଗଭର୍ଣ୍ଣର ନିଯୁକ୍ତ କରାଯାଇଛି। ଡକ୍ଟର ପୁନମ୍ ଗୁପ୍ତା ଶିକ୍ଷାରେ ଅତ୍ୟନ୍ତ ପ୍ରଭାବଶାଳୀ। ସେ ଦିଲ୍ଲୀ ସ୍କୁଲ ଅଫ୍ ଇକୋନୋମିକ୍ସ, ଦିଲ୍ଲୀ ୟୁନିଭରସିଟି ଏବଂ ପୋଷ୍ଟ ଗ୍ରାଜୁଏଟ୍ ଡିଗ୍ରୀ ଏବଂ ଆମେରିକାର ମେରିଲାଣ୍ଡ ୟୁନିଭରସିଟିରୁ ଅର୍ଥନୀତିରେ ପିଏଚଡି କରିଥିଲେ। ୧୯୯୮ରେ ସେ ଅନ୍ତର୍ଜାତୀୟ ଅର୍ଥନୀତିରେ ପିଏଚଡି ପାଇଁ ଏକ୍ସମ ବ୍ୟାଙ୍କ ପୁରସ୍କାର ମଧ୍ୟ ପାଇଥିଲେ।

ନ୍ୟାଶନାଲ କାଉନସିଲ ଅଫ ଆପ୍ଲାଏଡ ଇକୋନୋମିକ ରିସର୍ଚ୍ଚ (NCAER)ର ମହାନିର୍ଦ୍ଦେଶକ ପୁନମ ଗୁପ୍ତା ଡେପୁଟି ଗଭର୍ଣ୍ଣର ଭାବେ ନିଯୁକ୍ତି ହୋଇଛନ୍ତି। ତାଙ୍କୁ ତିନି ବର୍ଷ ପାଇଁ ଭାରତୀୟ ରିଜର୍ଭ ବ୍ୟାଙ୍କ (RBI)ର ଡେପୁଟି ଗଭର୍ଣ୍ଣର ଭାବରେ ନିଯୁକ୍ତିକୁ ଅନୁମୋଦନ ମିଳିଛି। ଜାନୁଆରୀରେ ମାଇକେଲ ଦେବବ୍ରତ ପାତ୍ର ଇସ୍ତଫା ଦେବା ପରେ RBIରେ ଡେପୁଟି ଗଭର୍ନର ପଦବୀ ଖାଲି ପଡ଼ିଥିଲା।

ବର୍ତ୍ତମାନ ପୁନମ ଏହି ଗୁରୁତ୍ୱପୂର୍ଣ୍ଣ ଦାୟିତ୍ୱ ପରିଚାଳନା କରିବେ। ଭାରତୀୟ ରିଜର୍ଭ ବ୍ୟାଙ୍କ (ଆରବିଆଇ)ର ନୂତନ ଡେପୁଟି ଗଭର୍ଣ୍ଣର ପୁନମଙ୍କୁ ପ୍ରତିମାସରେ ପ୍ରାୟ ୨.୨୫ ଲକ୍ଷ ଟଙ୍କା ଦରମା ମିଳିବ। ଏହା ସହିତ ତାଙ୍କୁ ବିଭିନ୍ନ ପ୍ରକାରର ଭତ୍ତା ମଧ୍ୟ ଦିଆଯିବ। ଏଥିରେ ମହଙ୍ଗା ଭତ୍ତା,ଗ୍ରେଡ୍ ପେ, ଶିକ୍ଷା ଭତ୍ତା, ଟେଲିଫୋନ୍ ଏବଂ ଚିକିତ୍ସା ଭତ୍ତା ଭଳି ଅନେକ ସୁବିଧା ଅନ୍ତର୍ଭୁକ୍ତ।

Powered by Froala Editor