ଆଜିକାଲି ଅଧିକାଂଶ ଲୋକ କେଶ ଝଡ଼ିବା ସମସ୍ୟାରେ ପୀଡ଼ିତ। ଏଥିପାଇଁ ଅନେକ କାରଣ ଦାୟୀ ହୋଇପାରେ। ତଥାପି ବିଶେଷଜ୍ଞମାନେ ସ୍ବାସ୍ଥ୍ୟକର ଖାଦ୍ୟପେୟ, ସ୍ବାସ୍ଥ୍ୟକର ଜୀବନଶୈଳୀ, ବ୍ୟସ୍ତବହୁଳ ଜୀବନରେ ବଢ଼ୁଥିବା ଚାପ ଏବଂ ବଢ଼ୁଥିବା ପ୍ରଦୂଷଣକୁ କେଶ ଝଡ଼ିବାର ମୁଖ୍ୟ କାରଣ ବୋଲି ବିବେଚନା କରନ୍ତି। ତଥାପି ଏହା ଆଶ୍ୱସ୍ତିର କଥା ଯେ, ଯଦି ସମୟ ମଧ୍ୟରେ କେଶ ଝଡ଼ିବାର ସମସ୍ୟାର ଯତ୍ନ ନିଆଯାଏ, ତେବେ କିଛି ସରଳ ଟିପ୍ସ ଗ୍ରହଣ କରି ଏହାକୁ ହ୍ରାସ କରାଯାଇପାରିବ। ଆମ ଚାରିପାଖରେ ଏପରି ଅନେକ ପ୍ରାକୃତିକ ଜିନିଷ ଅଛି, ଯାହା କେବଳ କେଶକୁ ମୂଳରୁ ପୋଷଣ ଦେଇଥାଏ ଏବଂ ଝଡ଼ିବାକୁ ରୋକିଥାଏ। ଦୁର୍ବଳ କେଶକୁ ନୂଆ ଜୀବନ ଦେବାରେ ମଧ୍ୟ ସାହାଯ୍ୟ କରିଥାଏ। କିଛି ଜିନିଷ ମଧ୍ୟରୁ ପିଆଜ ହେଉଛି ଅନ୍ୟତମ।

ଅନେକ ଗବେଷଣାର ଫଳାଫଳରୁ ଜଣାପଡିଛି ଯେ, ପିଆଜ ଚୋପା ଆପଣଙ୍କ କେଶ ପାଇଁ ବହୁତ ଲାଭଦାୟକ ହୋଇପାରେ। ଏଥିରେ ଭିଟାମିନ ବି, ସି, ଇ, ଜିଙ୍କ୍‌, ପୋଟାସିୟମ ଏବଂ ଫଲିକ୍‌ ଏସିଡ ଭଳି ଜରୁରୀ ପୋଷକ ତତ୍ତ୍ୱ ରହିଛି, ଯାହା କେଶକୁ ପୋଷଣ ଦେଇ ଏହାକୁ ମଜଭୁତ ଏବଂ ଘନ କରିଥାଏ। ଏସବୁ ବ୍ୟତୀତ ପିଆଜରେ ଥିବା ସଲଫର କେଶ ମୂଳକୁ ମଜଭୁତ କରେ ଏବଂ କେଶ ବୃଦ୍ଧିରେ ସାହାଯ୍ୟ କରେ।

ଯଦି ଆପଣ କେଶ ଝଡ଼ିବା ସମସ୍ୟାରେ ଚିନ୍ତିତ, ତେବେ ଆପଣ ଆପଣଙ୍କର କେଶ ଯତ୍ନ ରୁଟିନରେ ପିଆଜକୁ ସାମିଲ କରିପାରିବେ। ଏଥିପାଇଁ ଏକ ସହଜ ଏବଂ ପ୍ରଭାବଶାଳୀ ପିଆଜ କେଶ ମାସ୍କ ତିଆରି ପଦ୍ଧତି ସମ୍ପର୍କରେ ଜଣାଉଛୁ…
ମହୁ ଏବଂ ପିଆଜ କେଶ ମାସ୍କ:
କେଶ ଝଡ଼ିବା ସମସ୍ୟା କମ କରିବା ପାଇଁ, ଆପଣ ପିଆଜ ଏବଂ ମହୁ ସହିତ ଏକ ମାସ୍କ ପ୍ରସ୍ତୁତ କରିପାରିବେ। ଏହି ମାସ୍କ କେଶକୁ ମଇଶ୍ଚରାଇଜ କରେ ଏବଂ ମୁଣ୍ଡକୁ ସୁସ୍ଥ କରିଥାଏ।

କିପରି ତିଆରି କରିବେ?
ଏଥିପାଇଁ ଅଧା କପ୍‌ ପିଆଜ ରସ ନିଅନ୍ତୁ। ଏଥିରେ ୧ ଚାମଚ ମହୁ ମିଶାନ୍ତୁ। ଏହି ମିଶ୍ରଣକୁ ମୁଣ୍ଡ ଏବଂ କେଶର ଲମ୍ବରେ ଲଗାନ୍ତୁ। ଏହାକୁ ୧୫ ମିନିଟ୍‌ ପାଇଁ ଛାଡି ଦିଅନ୍ତୁ ଏବଂ ତା’ପରେ ଏହାକୁ ହାଲୁକା ସାମ୍ପୁ ସାହାଯ୍ୟରେ ଧୋଇ ଦିଅନ୍ତୁ।
ସପ୍ତାହରେ ଥରେ ଏହି ମାସ୍କ ବ୍ୟବହାର କରି ଆପଣ ଉପକୃତ ହୋଇପାରିବେ। ଏହି ମାସ୍କକୁ ସପ୍ତାହକୁ ୨ଥର ଲଗାଇ ଚମତ୍କାରିତା ଦେଖନ୍ତୁ।

Powered by Froala Editor