ଜାଗୃତି ହେଲେ ଅନୁଭବଙ୍କ ସାତ ଜନ୍ମର ସାଥୀ
ଦୀର୍ଘ ଦିନର ସମ୍ପର୍କ ପରେ ଓଲିଉଡ ଅଭିନେତା ଅନୁଭବ ମହାନ୍ତି ଜାଗୃତି ଶୁକ୍ଳାଙ୍କୁ ବିବାହ କରିଛନ୍ତି । ପରିବାର ସଦସ୍ୟ ଏବଂ ନିକଟ ସମ୍ପର୍କୀୟଙ୍କ ଉପସ୍ଥିତିରେ ରାଜ୍ୟ ବାହାରେ ବିବାହ ସମ୍ପନ୍ନ ହୋଇଛି। ବର ଏବଂ କନ୍ୟା ମାଳା ଆଦାନପ୍ରଦାନ କରୁଥିବାର ଅନେକ ଫଟୋ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି। ପ୍ରଶଂସକମାନେ ଉଭୟଙ୍କୁ ଶୁଭେଚ୍ଛା ଓ ଅଭିନନ୍ଦନ ଜଣାଉଛନ୍ତି । ମାର୍ଚ୍ଚ ୮ ତାରିଖରେ ଉଭୟଙ୍କ ନିର୍ବନ୍ଧ ହୋଇଥିଲା । ନିର୍ବନ୍ଧ ଫଟୋ ସାମ୍ନାକୁ ଆସିବା ପରଠୁ ଉଭୟଙ୍କ ବିବାହକୁ ନେଇ ସାମାଜିକ ଗଣମାଧ୍ୟମରେ ଚର୍ଚ୍ଚା ଜୋର ଧରିଥିଲା । ଗୋପନୀୟତା ବଜାୟ ରଖିବା ପାଇଁ ଓଡ଼ିଶା ବାହାରେ ମଧ୍ୟ ନିର୍ବନ୍ଧ କରାଯାଇଥିଲା।
ଜାଗୃତି ତାଙ୍କ ସୋସିଆଲ ମିଡିଆ ହ୍ୟାଣ୍ଡେଲରେ ନିର୍ବନ୍ଧ ଉତ୍ସବର ଫଟୋ ପୋଷ୍ଟ କରିଥିଲେ। ତାଙ୍କ ପୋଷ୍ଟରେ ଲେଖା ଥିଲା, ମୁଁ ମୋର ସବୁଠାରୁ ଭଲ ବନ୍ଧୁ ଅନୁଭବ ମହାନ୍ତିଙ୍କୁ ହଁ କହିଲି। ଆମ ପରିବାରର ଆଶୀର୍ବାଦ ଏବଂ ବନ୍ଧୁମାନଙ୍କ ନିରନ୍ତର ସମର୍ଥନ ପାଇଁ ମୋର ହୃଦୟ କୃତଜ୍ଞତାରେ ଉଛୁଳି ପଡୁଛି। ବନ୍ଧୁତାର ଏହି ବନ୍ଧନ କିଛି ସୁନ୍ଦର ରୂପ ନେଇଛି, ଏବଂ ମୁଁ ଆମର ପ୍ରେମ କାହାଣୀ ଏକାଠି ଲେଖିବାକୁ ଆଉ ଅପେକ୍ଷା କରିପାରୁନାହିଁ।
Powered by Froala Editor
