ଏମିତି ଆନୁଗତ୍ୟ : ମାଲିକ ପାଇଁ ବାଘ ସହ ଲଢ଼ିଗଲା କୁକୁର
ଆଜିର ଯୁଗରେ ନିଜ ରକ୍ତ ସମ୍ପର୍କୀୟ ବି ନିଜର ନୁହେଁ । କିନ୍ତୁ ଏକ କୁକୁର ତା ମାଲିକ ପ୍ରତି ଯେଉଁ ବଳିଦାନ ଦେଇଛି ତାହା ସବୁଦିନ ପାଇଁ ମନେରହିବ । ଘଟଣାଟି ମଧ୍ୟପ୍ରଦେଶ ଉମରିଆ ଜିଲ୍ଲା ବାଧବଗଡ଼ ଅଭୟାରଣ୍ୟ ଅଞ୍ଚଳର ।
ସ୍ଥାନୀୟ ଭାରହୁଟ୍ ଗାଁର ଶିବମ୍ ବାରଗେୟା ସକାଳୁ ପୋଷା ଜର୍ମାନ ସେଫାଡ୍ କୁକୁର ସହ ବାହାରେ ବୁଲୁଥିଲେ । ଏତିକି ବେଳେ ହଠାତ୍ ଜଙ୍ଗଲରୁ ଏକ ବାଘ ଗାଁକୁ ପଶି ଆସି ଶିବମ୍ଙ୍କୁ ଆକ୍ରମଣ କରିବାକୁ ମାଡି ଆସିଥିଲା । ହେଲେ ଆକ୍ରମଣ କରିବା ପୂର୍ବରୁ କୁକୁର ବାଘ ସହ ଲଢ଼େଇ କରିଥିଲା । ବାଘକୁ ଏମିତି ଘାଇଲା କରିଲା ଯେ ବାଘ ସେଠୁ ଦୌଡ଼ି ପଳାଇଥିଲା । ହେଲେ ମାଲିକ ପାଇଁ ବାଘ ସହ ଲଢ଼ି କୁକୁରର ମୃତ୍ୟୁ ହୋଇଯାଇଥିଲା ।
ଏହି ଘଟଣା ସ୍ଥାନୀୟ ଅଞ୍ଚଳକୁ ସ୍ତବ୍ଧ କରିଦେଇଛି । ଯିଏ ବି ଶୁଣୁଛି, ସେ ସାହସୀ କୁକୁରର ପ୍ରଶଂସା ନକରି ରହିପାରୁନି ।
Powered by Froala Editor
