ସେବାୟତ ଖସି ପଡିବା ଘଟଣା : ଏହା କହିଲେ ମନ୍ଦିର ସୁପରଭାଇଜର
ଭୁବନେଶ୍ୱର : ମହାଦୀପ ଉଠିବା ବେଳେ ସେବାୟତ ଖସି ପଡ଼ିବା ଘଟଣାରେ ସେବାୟତଙ୍କ ପୁଅ ପ୍ରଶାସନକୁ ଦାୟୀ କରିଥିବା ବେଳେ ମନ୍ଦିର ସୁପରଭାଇଜର ପ୍ରତିକ୍ରିୟା ରଖି କହିଛନ୍ତି, ମହାଦୀପ ଉଠିବା ବେଳେ ଆଜି ଯାଏଁ କେବେ ମନ୍ଦିର ତଳେ ବାଲି ପଡେ ନାହିଁ। ଏଭଳି ହେବା କଦାପି ସେ ଦେଖି ନାହାଁନ୍ତି ବୋଲି କହିଛନ୍ତି । ସେବାୟତଙ୍କ ପୁଅ ବାଲି କଥା କାହିଁକି କହିଲେ ଜାଣନ୍ତି ନାହିଁ ବୋଲି ସୁପରଭାଇଜର ତଥା ସେବାୟତ ରାଜକିଶୋର ମହାପାତ୍ର କହିଛନ୍ତି।
ଆଜି ଯାଏଁ ଏପରି ଅଘଟଣ କେବେ ଘଟିନଥିବା ବେଳେ ଏହା କିଛି ଅଶୁଭ ସଂକେତ ଦେଉଛି। ଜାଗର ଇତିହାସ କିମ୍ବା ଚତୁର୍ଦଶୀ ଇତିହାସ ଏପରି ଘଟଣା କେବେ ମଧ୍ୟ ଘଟି ନାହିଁ । ଏହା ବିପତ୍ତିର ସଂକେତ। ସେବାୟତଙ୍କ ବିଶ୍ବାସ ଅନୁସାରେ କିଛି ଅନୀତି, ଗର୍ବ, ଅହଙ୍କାର ନଚେତ୍ ନୀତିରେ ଖାମଖିଆଲି ଯୋଗୁ ଏପରି ହୋଇଛି ବୋଲି ବିଶ୍ୱାସ ରହିଛି।
କିନ୍ତୁ ଆହତ ହୋଇଥିବା ସେବାୟତ ଯୋଗେନ୍ଦ୍ର ସମର୍ଥା ମନ୍ଦିରର ଜଣେ ବରିଷ୍ଠ ଅଭିଜ୍ଞ ସେବାୟତ । ସେ ଅତି ନିଷ୍ଠା ସହ ପ୍ରତି ପାଳି ଓ ସେବା କରିଥାନ୍ତି। ତାଙ୍କ ସହ ଏପରି ହେବା ବହୁତ କଷ୍ଟ ଦେଇଛି। ମନ୍ଦିର ସେବାୟତ ନିଯୋଗ ଆସନ୍ତା କାଲି ଏକାଠି ବସି ଏହି ଅଘଟଣର ସମୀକ୍ଷା କରାଯିବ।
Powered by Froala Editor
