ମାଉସୀକୁ ଦୁଷ୍କର୍ମ ଉଦ୍ୟମ, ପୁଅକୁ କାଟି କେନାଲରେ ଫିଙ୍ଗିଦେଲା ମା’
ଆନ୍ଧ୍ରପ୍ରଦେଶରେ ପୁଅକୁ ଖଣ୍ଡ ଖଣ୍ଡ କାଟି କେନାଲରେ ଭସାଇଦେଲା ମାଆ । ୫୭ ବର୍ଷୀୟା ମହିଳା ଲକ୍ଷ୍ମୀ ନିଜର 35 ବର୍ଷୀୟ ପୁଅ କେ ଶ୍ୟାମ ପ୍ରସାଦଙ୍କୁ ହତ୍ୟା କରିଛନ୍ତି । ହତ୍ୟା ପରେ ତା’ର ଶବକୁ ୫ ଖଣ୍ଡ କରି ତିନୋଟି ବସ୍ତାରେ ଭର୍ତ୍ତି କରିଥିଲେ । ଏହାପରେ ଘରୁ ଅଳ୍ପ ଦୂରରେ ରହିଥିବା ଏକ କେନାଲରେ ଭସାଇ ଦେଇଥିଲେ । ଘଟଣା ସାମ୍ନାକୁ ଆସିବା ପରେ ସ୍ଥାନୀୟ ଅଞ୍ଚଳରେ ଚର୍ଚ୍ଚାର ବିଷୟ ସାଜିଛିି ।
ସୂଚନା ମୁତାବକ, ପ୍ରକାଶମ ଜିଲ୍ଲାର ଲକ୍ଷ୍ମୀ ଦେବୀ ନିଜ ପୁଅକୁ ଏପରି ନିର୍ମମ ଭାବେ ହତ୍ୟା କରିଛି । ସେ ସଫେଇ କର୍ମଚାରୀ ଭାବେ କାମ କରୁଥିଲା ଏବଂ ଅବିବାହିତ ଥିଲା । ତେବେ ପ୍ରସାଦର ଚରିତ୍ର ଆଦୌ ଭଲ ନଥିଲା । ସେ ଅନେକ ସମୟରେ ନିଜର ସମ୍ପର୍କୀୟମାନଙ୍କୁ ଦୁର୍ବ୍ୟବହାର କରୁଥିଲା । ଏପରିକି ନିଜର ମାଉସୀକୁ ଦୁଷ୍କର୍ମ କରିବାକୁ ଚେଷ୍ଟା କରିଥିଲା । ପୁଅର ଏଭଳି କୁକର୍ମ ସହିବାର ସବୁ ସୀମା ଟପି ଯାଇଥିଲା । ମହିଳା ନିଜ ପୁଅର ଅଭଦ୍ର ଆଚରଣକୁ ବରଦାସ୍ତ କରିନପାରି ତାକୁ ହତ୍ୟା କରିଛି ।
ହତ୍ୟା ପରେ ତା'ର ଶବକୁ ୫ ଖଣ୍ଡ କରି ତିନୋଟି ବସ୍ତାରେ ପୂରାଇ ଗାଁ ପାଖ କେନାଲରେ ଭସାଇ ଦେଇଥିଲା । ଏହି ହତ୍ୟାକାଣ୍ଡରେ ତାଙ୍କୁ କିଛି ସମ୍ପର୍କୀୟ ମଧ୍ୟ ସାହାଯ୍ୟ କରିଥିବା ପୋଲିସ ସୂଚନା ଦେଇଛି ।
Powered by Froala Editor
