ଦିଲ୍ଲୀ ଷ୍ଟେସନରେ ଦଳାଚକଟା
ନୂଆଦିଲ୍ଲୀ ରେଳ ଷ୍ଟେସନର ପ୍ଲାଟଫର୍ମ ନମ୍ବର ୧୩-୧୪ରେ ଶନିବାର ରାତିରେ ଏକ ବଡ଼ ଅଘଟଣ ହୋଇଛି। ଭିଡ଼ ଯୋଗୁଁ ଶ୍ୱାସରୁଦ୍ଧ ଭଳି ପରିସ୍ଥିତି ସୃଷ୍ଟି ହୋଇ ଅନେକ ଲୋକ ଚେତାଶୂନ୍ୟ ହୋଇ ପଡ଼ିଛନ୍ତି। ଏଥିରେ ୪ଜଣ ମହିଳା ଗୁରୁତର ହୋଇପଡିଛନ୍ତି।
ତେବେ ଦିଲ୍ଲୀ ପୋଲିସର ରେଳବାଇ ୟୁନିଟ ଦଳାଚକଟାକୁ ଅସୱୀକାର କରିଛି। କୁହାଯାଉଛି ଯେ ପ୍ରୟାଗରାଜ ଯିବା ପାଇଁ ରାତି ୮ଟାରେ ଏକ ଟ୍ରେନ ଆସିବାର ଥିଲା। ଯାହାକୁ ନେଇ ନୂଆଦିଲ୍ଲୀ ଷ୍ଟେସନରେ ପ୍ରବଳ ଭିଡ ହୋଇଯାଇଥିଲା। ଏହି ସମୟରେ ଦଳାଚକଟା ଭଳି ପରିସ୍ଥିତି ମଧ୍ୟ ଉପୁଜି ଥିଲା। ରେଳ ଷ୍ଟେସନରେ ପରିସ୍ଥିତିକୁ ନିୟନ୍ତ୍ରଣ କରିବା ପାଇଁ ଅତିରିକ୍ତ ସୁରକ୍ଷା ବାହିନୀ ନିୟୋଜିତ କରାଯାଇଛି। ୪ଟି ଦମକଳ ବାହିନୀ ଗାଡ଼ି ପହଞ୍ଚି ଘଟଣାସ୍ଥଳରେ ଉଦ୍ଧାର କାର୍ଯ୍ୟ ଜାରିରଖାଯାଇଛି। ଯାତ୍ରୀମାନଙ୍କୁ ଶାନ୍ତ ରହିବାକୁ ଏବଂ ଗୁଜବ ପ୍ରତି ଧ୍ୟାନ ନଦେବାକୁ ରେଳ ପ୍ରଶାସନ ନିବେଦନ କରିଛି।
ଟ୍ରେନ୍ କାହିଁକି ବାତିଲ ହେଲା ଏବଂ ପର୍ଯ୍ୟାପ୍ତ ବ୍ୟବସ୍ଥା କରାଯାଇଥିଲା କି ନାହିଁ ସେନେଇ ରେଳ ଅଧିକାରୀମାନେ ଘଟଣାର ତଦନ୍ତ କରୁଛନ୍ତି।
Powered by Froala Editor
