ସ୍ବରାଙ୍କ ‘ଏକ୍ସ’ ଆକାଉଣ୍ଟ୍ ବନ୍ଦ, ପୁନର୍ବିଚାର କରିବାକୁ ଅନୁରୋଧ
ଅଭିନେତ୍ରୀ ସ୍ୱରା ଭାସ୍କରଙ୍କ ଏକ୍ସ ଆକାଉଣ୍ଟକୁ ସ୍ଥାୟୀ ଭାବରେ ବନ୍ଦ୍ କରି ଦିଆଯାଇଛି। ତାଙ୍କର ଏକ ଇନ୍ଷ୍ଟାଗ୍ରାମ୍ ପୋଷ୍ଟ୍କୁ ନେଇ ତାଙ୍କ ଆକାଉଣ୍ଟ୍ ବନ୍ଦ୍ କରି ଦିଆଯାଇଛି। ସେ ନିଜେ ଏନେଇ ସୂଚନା ଦେଇଛନ୍ତି। ଗଣତନ୍ତ୍ର ଦିବସର ଶୁଭେଚ୍ଛା ଜଣାଇବା ଯୋଗୁ ଏଭଳି ହୋଇଥିବା ସେ ଅଭିଯୋଗ ଆଣିଛନ୍ତି। ସେ ଇନଷ୍ଟାଗ୍ରାମରେ ଏକ ଖବର ସେୟାର କରି ଏହି ନିଷ୍ପତ୍ତିକୁ "ହାସ୍ୟସ୍ପଦ ଏବଂ ଅସମ୍ଭବ" ବୋଲି ସମାଲୋଚନା କରିଥିବାର ଦେଖିବାକୁ ମିଳିଥିଲା।
ତାଙ୍କ ପୋଷ୍ଟରେ ଅଭିନେତ୍ରୀ ବ୍ୟାଖ୍ୟା ଦୁଇଟି ନିର୍ଦ୍ଦିଷ୍ଟ ଚିତ୍ର ପୋଷ୍ଟ୍ କରିଥିଲେ। ତାଙ୍କର ଗୋଟିଏ ଚିତ୍ରରେ ହିନ୍ଦୀରେ ଏକ ଜଣାଶୁଣା ସ୍ଲୋଗାନ ଥିଲା: "ଗାନ୍ଧୀ, ଆମେ ଲଜ୍ଜିତ; ତୁମର ହତ୍ୟାକାରୀମାନେ ଏବେ ବି ଜୀବିତ ଅଛନ୍ତି।" ସେହିଭଳି ଅନ୍ୟ ଏକ ଫଟୋରେ ତାଙ୍କ ଝିଅ ରହିଛନ୍ତି। ତାଙ୍କ ମୁହଁରେ ହୃଦୟ ଇମୋଜି ସହ ହାତରେ ପତାକା ରହିଛି। ପୋଷ୍ଟରେ ହାପି ରିପବ୍ଲିକ ଡେ ଇଣ୍ଡିଆ ଲେଖାଯାଇଛି। ଏହି ଦୁଇ ପୋଷ୍ଟ କିଭଳି ଭାବେ କପିରାଇଟ୍ ଉଲ୍ଲଂଘନ କରୁଛି ବୋଲି ସ୍ବରା ଟୁଇଟରକୁ ପଚାରିଛନ୍ତି।
ସେ ତାଙ୍କ ନିଷ୍ପତ୍ତି ପୁନର୍ବିଚାର କରିବାକୁ ଏକ୍ସକୁ ଅନୁରୋଧ କରି କହିଛନ୍ତି, "ଯଦି ଏହି ଟ୍ୱିଟଗୁଡ଼ିକ ଗଣ ରିପୋର୍ଟ କରାଯାଇଛି, ତେବେ ଏହା ମୋତେ ହଇରାଣ କରିବାକୁ ଏକ ପ୍ରୟାସ।’’
Powered by Froala Editor
