ପୂର୍ବତନ ବଲିଉଡ୍ ଅଭିନେତ୍ରୀ ମମତା କୁଲକର୍ଣ୍ଣୀଙ୍କ ରାଜ୍ୟାଭିଷେକ ଉତ୍ସବ ସହିତ, ତାଙ୍କୁ କିନ୍ନର ଅଖାଡ଼ାର 'ମହାମଣ୍ଡଳେଶ୍ୱର' କରାଯାଇଛି। ସେ ପବିତ୍ର ସଙ୍ଗମରେ ପିଣ୍ଡ ଦାନ କରିଥିବା ଜଣାପଡ଼ିଛି। ମହାମଣ୍ଡଳେଶ୍ୱର ହେବା ପରେ ତାଙ୍କର ନାଁ ପରିବର୍ତ୍ତନ କରାଯାଇଛି। ନୂଆ ନାଁ ରହିଛି ଶ୍ରୀ ୟମାଇ ମମତା ନନ୍ଦଗିରି।

କିନ୍ନର ଆଖଡ଼ାର ଆଚାର୍ଯ୍ୟ ମହାମଣ୍ଡଳେଶ୍ୱର ଲକ୍ଷ୍ମୀ ନାରାୟଣ କହିଛନ୍ତି, କିନ୍ନର ଆଖଡ଼ା ପକ୍ଷରୁ ମମତାଙ୍କୁ ମହାମଣ୍ଡଳେଶ୍ୱର କରାଯାଇଛି। ସିଏ ପୂର୍ବରୁ ଜୁନା ଆଖଡା ମହାମଣ୍ଡଳେଶ୍ୱରଙ୍କଠାରୁ ଦୀକ୍ଷିତ ହୋଇଥିଲେ। ତାଙ୍କ ଗୁରୁଙ୍କ ବ୍ରହ୍ମଲୀନ ପରେ ତାଙ୍କୁ କୌଣସି ଦିଶା ମିଳୁନଥିଲା। ତେଣୁ ସେ ମୋ ସହିତ ଓ କିନ୍ନର ଆଖଡା ଯୋଗାଯୋଗରେ ଆସିଥିଲେ। ଗୁରୁବାର ସେ ଆଖଡ଼ାକୁ ଆସି ସନାତନ ଧର୍ମରେ ପୂର୍ଣ୍ଣ ଭାବେ ଯୋଡ଼ିହେବାକୁ ଚାହିଁଥିଲେ। ସେଥିପାଇଁ ମହାମଣ୍ଡଳେଶ୍ୱର ହେବାକୁ ଆଶା ବ୍ୟକ୍ତ କରିଥିଲେ।

ଏବେ, ମମତା ତାଙ୍କର ଆଧ୍ୟାତ୍ମିକ ଯାତ୍ରା ଏବଂ କିନ୍ନର ଅଖାଡ଼ାର 'ମହାମଣ୍ଡଳେଶ୍ୱର' ହେବା ପରେ ତାଙ୍କ ମୋଟ ସମ୍ପତ୍ତିକୁ ନେଇ ଚର୍ଚ୍ଚା ଆରମ୍ଭ ହୋଇଛି। ରିପୋର୍ଟ ଅନୁସାରେ, ମମତା କୁଲକର୍ଣ୍ଣୀଙ୍କ ମୋଟ ସମ୍ପତ୍ତି ପ୍ରାୟ ୧୦ ନିୟୁତ ଡଲାର ଅର୍ଥାତ୍ ୮୫ କୋଟି। ବଲିଉଡରେ ତାଙ୍କର କ୍ୟାରିଅର ଗଢ଼ିବା ସମୟରେ ସେ ଏହି ସମ୍ପତ୍ତି ଅର୍ଜନ କରିଥିଲେ।

Powered by Froala Editor