କନଷ୍ଟେବଳଙ୍କୁ ଚାପି ଘୋଷାରି ନେଲା ମଦ ମାଫିଆଙ୍କ କାର୍
ଦିଲ୍ଲୀରେ ଚଢ଼ାଉ ପାଇଁ ଯାଇଥିବା କନଷ୍ଟେବଳଙ୍କୁ କାର୍ରେ ଚାପି ଦେଲେ। ଫଳରେ ଘଟଣାସ୍ଥଳରେ ହିଁ ତାଙ୍କର ମୃତ୍ୟୁ ହୋଇଛି। ବିଳମ୍ବିତ ରାତିରେ ଏକ କାର୍ କନଷ୍ଟେବଳଙ୍କ ଉପରେ ଗାଡି ଚଢାଇବ ସହ ତାଙ୍କୁ ଘୋଷାଡି ନେଇ ବହୁଦୂର ପର୍ଯ୍ୟନ୍ତ ଫିଙ୍ଗି ଦେଇଥିଲା। ଯାହାର ଛାତିଥରା ସିସିଟିଭି ଭିଡିଓ ଭାଇରାଲ ହେବାରେ ଲାଗିଛି।
ସୂଚନା ମୁତାବକ, ଦିଲ୍ଲୀ ନାଙ୍ଗଲୋଇ ଅଞ୍ଚଳର ପୁଲିସ କନଷ୍ଟେବଳ ସନ୍ଦୀପ। ସେ ନାଇଟ୍ ଡ୍ୟୁଟିରେ ଥିଲେ। ତାଙ୍କୁ ଏକ ମଦ ସପ୍ଲାଏ କାର୍ ଆସୁଥିବା ନେଇ ଖବର ମିଳିଥିଲା। ଏହାପରେ ସେ ଚଢ଼ାଉ ପାଇଁ ଯାଇଥିଲେ। ଏତିକି ବେଳେ ମଦ ଯୋଗାଣକାରୀଙ୍କ କାରକୁ ଅଟକାଇବା ପାଇଁ ସେ ସଙ୍କେତ ଦେଇଥିଲେ। କିନ୍ତୁ କାର୍ରେ ବସିଥିବା ବ୍ୟକ୍ତି ଜଣକ ଅଟକି ନଥିଲେ। କନଷ୍ଟେବଳଙ୍କୁ କାର୍ରେ ଧକ୍କା ଦେଇ ଚାପି ଦେଇଥିଲେ।
ଭାଇରାଲ ଭିଡିଓରେ କନେଷ୍ଟବଳ ସନ୍ଦୀପଙ୍କ ବାଇକ୍ ପଛରେ ଏକ ତୀବ୍ର ଗତିରେ କାର୍ ଆସୁଥିବାର ଦେଖାଯାଇଛି। ଯାହାପରେ କାର୍ ତାଙ୍କ ଉପରେ ମାଡି ଯାଇଛି। ଏହି ସମୟରେ ମୁଣ୍ଡରେ ଆଘାତ ଲାଗିବା ଯୋଗୁ ତାଙ୍କର ଘଟଣାସ୍ଥଳରେ ମୃତ୍ୟୁ ହୋଇଛି।
Powered by Froala Editor
