ଫଳ ଦୋକାନୀଙ୍କ କାରନାମା କରିଦେବ ଆଶ୍ଚର୍ଯ୍ୟଚକିତ, ଜାଣନ୍ତୁ କଣ?
ମୁମ୍ବଇ : ମହାରାଷ୍ଟ୍ରର ଡୋମ୍ବିଭଲିରେ ଜଣେ ସ୍ଥାନୀୟ ଫଳ ଦୋକାନୀଙ୍କ ଏଭଳି ଏକ କାରନାମା ସାମ୍ନାକୁ ଆସିଛି, ଯାହା ସଭିଁଙ୍କୁ ଆଶ୍ଚର୍ଯ୍ୟଚକିତ କରି ଦେଇଛି । ଦୋକାନୀ ଜଣକ ଠେଲାରେ ରଖିଥିବା ପଲିଥିନ୍ରେ ପରିଶ୍ରା କରି ହାତ ନଧୋଇ ଫଳ ବିକ୍ରି କରୁଛନ୍ତି। ଏହି ଘଟଣା ଜଣାପଡିବା ପରେ ଲୋକେ ଅସନ୍ତୋଷ ପ୍ରକାଶ କରିବା ସହ ଦୋକାନୀଙ୍କ ବିରୁଦ୍ଧରେ ମାମଲା ରୁଜୁ କରାଯାଇଛି । ଦୋକାନୀଙ୍କ ନାମ ଅଲୀ ଖାନ (୨୦) ବୋଲି ଜଣାପଡିଛି ।
ଘଟଣା ପରେ ଏହାର ଏକ ଭିଡିଓ ମଧ୍ୟ ସାମ୍ନାକୁ ଆସିଛି । ସ୍ଥାନୀୟ ଲୋକେ ଏହାକୁ ନେଇ ଅସନ୍ତୋଷ ପ୍ରକାଶ କରି ଅଲୀଙ୍କ ଠେଲାକୁ ଭଙ୍ଗା ରୁଜା ମଧ୍ୟ କରିଛନ୍ତି । ଭିଡିଓ ସାମ୍ନାକୁ ଆସିବାର କିଛି ସମୟ ପରେ ଠେଲା ନିକଟରେ ଲୋକେ ଏକାଠି ହୋଇ ମାରପିଟ୍ କରିବା ସହ ଭଙ୍ଗାରୁଜା କରିଥିଲେ । ପୁଲିସ ଅଲୀଙ୍କୁ ଗିରଫ କରି ଘଟଣାର ତଦନ୍ତ ଜାରି ରଖିଛି ।
ଗତ କିଛି ଦିନ ପୂର୍ବରୁ ଗାଜିଆବାଦର ଲୋନୀ ଅଞ୍ଚଳରେ ଜଣେ ଜୁସ୍ ଦୋକାନୀ ପରିଶ୍ରା ମିଶାଇ ଜୁସ୍ ବ୍ୟବସାୟ କରୁଥିବା ଘଟଣା ସାମ୍ନାକୁ ଆସିଥିଲା । ପୁଲିସ ତାଙ୍କ ଦୋକାନରୁ ପରିଶ୍ରା ମଧ୍ୟ ଜବତ କରିଥିଲା ।
Powered by Froala Editor
