ଘରେ ବସି ଏଣିକି ହୋମ ଡେଲିଭରୀ କରିପାରିବେ ଗ୍ରାହକ । ସ୍ୱିଗି-ଜୋମାଟୋ ଏବଂ ବିଗ୍ ବାସ୍କେଟ ଭଳି ଅନଲାଇଡ଼୍ ଫୁଡ ଡେଲିଭରୀ ଆପ୍ ଏହି ସୁବିଧା ଉପଲବ୍ଧ କରିବାକୁ ଯାଉଛି । ଅର୍ଡର କରିବାର ମାତ୍ର ୧୦ ମିନିଟ ଭିତରେ ଗ୍ରାହକଙ୍କ ଘରେ ପହଞ୍ଚିବ ମଦ । ଗ୍ରାହକଙ୍କ ଡିମାଣ୍ଡକୁ ନଜରରେ ରଖି ମଦ ଏବଂ ଚାଖଣାର ହୋମ୍ ଡେଲିଭରୀ କରିବା ନେଇ ଚର୍ଚ୍ଚା ହେଉଛି ।ବର୍ତ୍ତମାନ ଦିଲ୍ଲୀ, କର୍ଣ୍ଣାଟକ, ହରିୟାଣା, ପଞ୍ଜାବ, ତାମିଲନାଡୁ, ଗୋଆ ଏବଂ କେରଳ ଇତ୍ୟାଦି ରାଜ୍ୟରେ ମଦ ହୋମ୍ ଡେଲିଭରୀ କରିବା ପାଇଁ ବ୍ୟବସ୍ଥା କରାଯାଉଛି ।

ତେବେ ବର୍ତ୍ତମାନ ଏହି ସୁବିଧା କିଛିଟା ସହରରେ ପାଇଲଟ୍ ପ୍ରୋଜେକ୍ଟ ଭାବରେ ଲଞ୍ଚ୍ କରାଯିବ । ପରେ ଏହାକୁ ବିସ୍ତାର କରାଯାଇ ଦେଶର ଅନ୍ୟ ସହର ଗୁଡ଼ିକରେ ଉପଲବ୍ଧ କରାଯିବ ବୋଲି ପ୍ଲାନ ରହିଛି । ଅଧିକାରୀମାନେ ବର୍ତ୍ତମାନ ଏହାର ଲାଭ-କ୍ଷତି ଉପରେ ଆକଳନ କରୁଛନ୍ତି । ତେବେ ମଦକୁ ହୋମ୍ ଡେଲିଭରୀ କରାଇବା ଏତେ ସହଜ ହେବନାହିଁ । ଏହି ସୁବିଧା ଉପଲବ୍ଧ କରିବା ପୂର୍ବରୁ ଏଥିପାଇଁ ସ୍ୱତନ୍ତ୍ର ବ୍ୟବସ୍ଥା କରିବାକୁ ହେବ । କେୱାଇସି, ଲିମିଟ୍, ନିୟମ ଆଦି ନିଶ୍ଚିତ କରିବାକୁ ପଡ଼ିବ ଏବଂ ଏହାକୁ ସଠିକ ଭାବରେ ପାଳନ କରିବାକୁ ହେବ । ଯଦି ପରୀକ୍ଷା ସଫଳ ହୁଏ ତେବେ ସାରା ଦେଶରେ ଅନଲାଇନ୍ ଅର୍ଡର ଦ୍ବାରା ଏବଂ ମଦ ଡେଲିଭରି ଆରମ୍ଭ ହେବ।

Powered by Froala Editor