କେଦାରନାଥରେ ପୁଣି ଭୟଙ୍କର ହିମସ୍ଖଳନ ହୋଇଛି । କେଦାରନାଥ ବାବାଙ୍କ ମନ୍ଦିରର ଠିକ୍ ପଛ ପଟେ ଥିବା ପାହାଡ଼ରୁ ଧସି ଯାଇଛି ବିଶାଳ ବରଫ ଅତଡ଼ା।  କେଦାରନାଥ ଉପତ୍ୟକାର ଉପର ମୁଣ୍ଡରେ ଥିବା ମେରୁ-ସୁମେରୁ ପର୍ବତମାଳା ତଳେ ଚୌରାବାରୀ ଗ୍ଲେସିୟରର ଗାନ୍ଧୀ ସରୋବର ଉପର ମୁଣ୍ଡରେ ସକାଳ ୫ଟା ୬ ମିନିଟ୍ ରେ ହିମସ୍ଖଳନ ଘଟିଥିଲା। ଏହା ଦେଖି ସେଠାରେ ଉପସ୍ଥିତ ଥିବା ଲୋକମାନେ ଆତଙ୍କିତ ହୋଇଯାଇଥିଲେ ।  ଧିରେ ଧିରେ ବରଫର ଏକ ବିଶାଳ ଅଂଶ ଧସି ତଳେ ଥିବା ଗାନ୍ଧି ସରୋବରରେ ଆସି ଅଟକିଥିଲା । ସୌଭାଗ୍ୟବଶତ ତଳେ ସରୋବର ଥିବାରୁ ଧସିଥିବା ବରଫର ଅଂଶ ସେଠାରେ ହିଁ ଅଟକି ଯାଇଥିଲା। ଫଳରେ ଅପର ପାର୍ଶ୍ୱରେ ଥିବା ମନ୍ଦିର ନିକଟକୁ ଧସି ଯାଇଥିବା ବରଫ ଅତଡ଼ା ମାଡ଼ି ଆସିପାରିନଥିଲା।

ଏହି ଦୃଶ୍ୟ ଦେଖିଲେ ୨୦୧୩ର ମହାପ୍ରଳୟର ଭ୍ରମ ସୃଷ୍ଟି କରିଛି। ତେବେ ଏହି ଘଟଣାରେ କିଛି କ୍ଷୟକ୍ଷତି ଘଟିଥିବାର ସୂଚନା ମିଳିନାହିଁ। ତେବେ ମନ୍ଦିର ବି ସୁରକ୍ଷିତ ରହିଛି। ଏହି ଘଟଣା ଅନେକ ଏହାକୁ ନିଜ ମୋବାଇଲରେ ମଧ୍ୟ ରେକର୍ଡ କରିଥିଲେ । ଏହି ଘଟଣାର ଭିଡିଓ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ଭିଡିଓରେ ଦେଖିବାକୁ ମିଳିଛି ଯେ ଚୋରାବାରୀ ଗ୍ଲେସିୟର ଓ ଗାନ୍ଧୀ ସରୋବର ଉପରେ ହିମସ୍ଖଳନ ଯୋଗୁଁ ବରଫ ଦ୍ରୁତ ଗତିରେ ତଳକୁ ଖସି ଆସୁଛି ।

ରୁଦ୍ରପ୍ରୟାଗ ଜିଲ୍ଲା ବିପର୍ଯ୍ୟୟ ପରିଚାଳନା ଅଧିକାରୀ ନନ୍ଦନ ସିଂହ ରାଜୱାର କହିଛନ୍ତି ଯେ, ଚୌରାବାରୀ ଗ୍ଲେସିୟରରେ ହିମସ୍ଖଳନ ଯୋଗୁଁ କୌଣସି କ୍ଷୟକ୍ଷତି ହୋଇନାହିଁ ଏବଂ କେଦାରନାଥ ସମେତ ସମଗ୍ର ଅଞ୍ଚଳ ସୁରକ୍ଷିତ ରହିଛି। ଏହି ଅଂଚଳରେ ହିମସ୍ଖଳନ ଏକ ସାଧାରଣ ପ୍ରାକୃତିକ ଘଟଣା ।

Powered by Froala Editor